Evropaning eng kuchli besh ligasida "Manchester Siti", "Barselona" va "Monako" aynan ulardan ko'proq natija ko'rsata olishdi. Biroq francuzlar va inglizlar milliy chempionatlaridagi gollarning qadrini bir-biriga solishtirib bo'lmaydi. Filippe Koutinoning jamoadan ketishi ham hech nimani o'zgartirmadi. Usiz "Liverpul" 10 o'yin o'tkazib, 25 gol urishga erishdi. Qarang, natija o'smoqda. Umuman olganda Koutino jamoaning muammosi bo'lmagan. Biroq "Liverpul" buni qanday uddalamoqda?
KLOPP FUTBOLCHILARNING ENG YAXSHI JIHATLARINI OCHIB BERMOQDA
Muhammad Saloh 25 yoshida ham tez yugura olmasdi. Yurgen Kloppga kelganida u maydonda o'zining maksimal kuchini sarflamoqda. Uning o'zi 36 o'yinda 30 gol urgani haqida shunday dedi: "Uning qo'l ostida men darvozaga yaqin o'ynayapman. Oldingi murabbiylarim mendan buni istashmagandi. Klopp xattoki mashg'ulotda ham meni shunday poziciyada o'ynatadi".
Aleksandr-Arnold 19 yoshidayoq asosiy futbolchi, ECHLda ikkita, APLda esa bitta gol urishga erishdi, shuningdek, uning hisobida golli pas ham bor, etiborlisi u himoyachi. SHuningdek, himoyaviy o'yinda ham jamoaning eng yaxshi azosi. Dekabr oyi oxirlarida Klopp uni "boksing dey"dagi o'yinlari haqida shunday dedi: "U fantastik o'ynadi. Trentning onasi qarindoshlari uning o'yinini ko'rgani AQSHdan kelayotganini aytdi. Men esa ularga: "Bu uni asosiy tarkibda tushurishim uchun buyruqmi?", - deb aytdi Klopp. Trent o'shanda "Suonsi" darvozasini ishg'ol etdi. Trentning o'zi esa o'yini haqida shunday dedi: "Birinchi bo'limda ikkinchiga qaraganda yaxshiroq o'ynay olardim".
Sadio Mane tez-tez Koutinoga o'z joyini berib qo'yardi. Ularning eng yaxshi ko'rgan nuqtasi - o'ng qanot yarim himoyasi edi. Mavsum boshida ayrim vaqtlarda ikki futbolchi almashib bir nuqtada to'p surishdi. Bazi vaqtlarda esa biri chapda, biri o'ng qanotda harakat qildi yoki ikkisi ham chap qanotda harakat qilishdi. Bu jihatni olib qaraganda Manening driblinglari 30 foizga, darvozalarga zarbalar oldingi natijadan bir yarim barobar ko'paydi. SHuningdek u urilgan gollar soni bo'yicha o'tgan yilgi natijasini takrorlab bo'ldi.
Roberto Firmino esa o'tgan yilgidagidan anchagina ochilgan. Hattoki oddiygina statistikaga etibor beradigan bo'lsak, u o'zining eng yaxshi mavsumida gol+pas tizimida 27 ochko yig'gan. Bu mavsumda esa bu natija 30ga teng. "Vest Xem"ga qarshi bahs ko'rsatib berdi-ki, Firmino darvoza oldida o'zini erkin his qilmoqda.
Biroq Robertson va Jan ham bor. Ular ham jamoa tarkibida yaxshi o'yin namoyish etishmoqda. Ha, Oksleyd-CHemberlen ham nihoyat o'zini ko'rsata boshladi. "Liverpul"ning o'yinlarida ijodkorlik sezilmoqda, bu esa jamoaning har bir vaziyatga tezda moslashib ketayotganligini anglatadi. SHu sababli barcha futbolchilarning mahorati ochilib bormoqda.
HATOLAR USTIDA ISHLASH
Yana Salohga va yana uning kichik intervyusiga qaytamiz: "Bilaman, bu mavsumda ko'plab vaziyatlarni ura olmadim. Biroq kamchiliklarni tuzatishga harakat qilyapman va bunga murabbiy katta yordam bermoqda".
"Suonsi" mag'lub etilganida CHemberlen shunday degandi: "Gol urganimdan xursandman. Biroq natijalarni yaxshilash kerak. Raqib darvozasi oldida bundan-da yaxshiroq o'yin namoyish etish lozim". O'shanda hisob 5:0 bo'lgandi.
"Liverpul" futbolchilari tinchlanishmayapti. Bir o'yinda uchinchi golni urgandan keyin ham yanada ko'prog'ini istashmoqda. Hattoki oldingi vaziyatlardan ham chiroyliroq o'ynashadi. SHunday pallalarda natija o'zidan o'zi keladi.
BOSIM - ENG YAXSHI PLEYMEYKER
Klopp qo'l ostida "Liverpul" faqatgina yangicha o'yin uslubida ishlamoqda. Raqiblar to'pni yo'qotgan zahoti futbolchilar vaziyatdan foydalanishga intilishmoqda. Isbot? Kechagi o'yinda urilgan gollardan ikkitasi markazda pressing evaziga yuzaga keldi.
"Manchester Siti" bilan o'yinda ham jamoa faqatgina himoyada o'ynamadi. "Liverpul" APL etakchisini bosimda tor-mor etdi. "SHaharliklar" esa o'z xatolari qurboni bo'ldi. Yakuniy hisob 4:3, "Siti" o'yin sifati borasida ham raqiblarga mag'lub bo'ldi.
Koutinosiz "Liverpul" maydon markazidan tezroq o'tmoqda. CHap qanotda Mane o'ynamoqda. Filippe ketganidan keyin esa u qanotda hattoki Milner ham to'p surmoqda. Nima uchun bunday? Bu taktik tartib. Barcha futbolchilarga og'irlik birdek tushishi kerak.
Ikkinchidan, braziliyalik futbolchi bilan chuqur himoyani buzib o'tish qiyin bo'layotgandi. Albatta, ko'p paytlarda Koutinoning driblinglari "Liverpul"ga yordam berayotgandi. "Suonsi"ga qarshi Uelsda kechgan bahsdagi mag'lubiyatda esa shunday ishni qila oladiganlar kamlik qildi.
Klopp jamoani hali ham qayta qurmoqda. Lallana va CHemberlen asosiy ishni bajarmoqda. Bu natija bermoqda, ammo hozirdan xulosa qilib bo'lmaydi.
HALI TUGAMADI
"Liverpul"ga qarshi bahsda raqiblarning himoyasida qator muammolar ko'zga tashlanmoqda. Hatto Pep Gvardiolaning qimmatbaho orqa chizig'ida ham kamchiliklar juda ko'p. Ammo "Liverpul" ham mukammal jamoa emas. Klavan, Matip va Lovrenga texnika etishmayapti. Klopp qishda 80 mlnga tayyor futbolchi xarid qildi. Bu esa jamoani kuchaytirmoqda.
Saloh 40 mln evroga xarid qilingandi. Virjil Van Deyk ham ancha salohiyatli, tezkor, hujum boshlashni ham raqib hujumlarini to'xtatishda ham faol. Biroq sovrin yutadigan vaqt keldi. CHunki Klopp ikki yarim yildan buyon shu erda.
Bosh sahifaga
223
