SHu kunga qadar klub bosh direktori lavozimida ishlab kelayotgan Kamoliddin Rahimov “SHo'rtan” Professional Futbol Klubi MCHJ bosh homiysi va asosiy tasischi hisoblangan “SHo'rtanneftgaz” MCHJ rahbariyatining buyrug'iga ko'ra, egallab turgan vazifasidan ozod etildi. Uning o'rniga “SHo'rtan” futbol klubining bosh direktori etib jamoada ko'p yillardan beri faoliyat yuritib kelayotgan va hozirgi kunda klubning sport ishlari bo'yicha direktori lavozimida ishlab kelayotgan Viktor Georgievich Aleshnikov tayinlandi.
Butun hayotini futbolga bag'ishlagan V.G.Aleshnikov, dastlabki ish faoliyatini Surxondaryo viloyati Jarqo'rg'on tumanidagi BO'SMda boshlagan. 1977 yilda Respublika “Paxtakor” jamiyati Markaziy Kengashi tomonidan “Eng yaxshi murabbiy” deb topilgan. 1978 yildan esa hakamlik sohasini ham boshlagan. Respublika toifasidagi hakam sifatida O'zbekiston CHempionati, Kubogi bahslari hamda sobiq Ittifoq CHempionati uchrashuvlarini boshqargan.
Professional murabbiy sifatidagi ish faoliyatini 1994 yili Surxondaryoning “SHo'rchi” jamoasida bosh murabbiylikdan boshlagan. 2000 yillardan etiboran esa o'z taqdirini bevosita “SHo'rtan” jamoasi bilan bog'ladi. G'uzorda ko'p yillar bosh murabbiylikdan toki, murabbiy, futbol maktabi direktorligi, klubda avval texnik direktor, keyin esa sport ishlari bo'yicha direktor lavozimlarida fidokoran mehnat qilib keldi. O'tgan yillar davomida Viktor Aleshnikov jonkuyar ustoz sifatida juda ko'plab shogirdlarni tarbiyalab, kamolga etkazdi. Bugungi kunda uning shogirdlari jamiyatimizning turli sohalarida faol mehnat qilib, Vatanimiz ravnaqi uchun o'z bilim va ko'nikmalarini qo'shib kelishmoqda. Ulardan bazilar esa futbolda, jumladan Erkin Mirzaev “SHo'rtan” klubining o'zida samarali mehnat qilishmoqda.
Yangi ish va masuliyatli lavozimda tajribali mutaxassis Viktor Aleshnikovga klubi xodimlari va barcha muxlislari nomidan muvaffaqiyatlar tilab qolamiz. Uning rahbarligida “SHo'rtan” mamlakatimiz futbolidagi o'z mavqei, o'rni va obro'sini yana tiklab olishiga ishonamiz.
Bosh sahifaga
226