"Nasaf"ning OCHLdagi raqibi “Al Sadd” 5:0 hisobida g'alaba qozondi

“Al Sadd” turnir jadvalining 7-pog'onasida borayotgan “Al Ahli” jamoasini o'z maydonida qabul qildi.

Uchrashuv to'liq “Al Sadd” jamoasi ustunligida o'tdi. Hisob ham shunga yarasha bo'ldi. Jamoaning 11-raqamdagi jazoirlik hujumchisi  Bag'dod Baunedjax to'rtta gol urib, poker qayd etdi.

Ushbu hujumchi jamoaning OCHLda ham to'purari hisoblanadi, u ikki turda ham dubl qayd etgan.

Uchrashuvdagi 5-golni uning hamyurti, yarim himoyachi Hamroun Jugurtha kiritdi.

Bu g'alabadan so'ng “Al Sadd” o'z ochkolari sonini 46 taga etkazib oldi. Birinchi o'rinda borayotgan “Al Duhail” bu turda durang o'ynasa yoki mag'lub bo'lsa, “Al Sadd” turnir jadvali peshqadamiga aylanadi.

 
Qatar yulduzlar ligasi, 18-tur
“Al Sadd” – “Al Ahli” 5:0 (1:0)
Gollar: Bag'dod Bunedja 15, 55, 75, 82, Hamroun Jugurtha 90+2.  
“Al Sadd”: 1.Saad Alshiyb, 3.Yosir Abubakr Iso (16.Bualim Xuxi, 46), 5. Hamroun Jugurtha, 8.Ali Asad (6.Xavi Ernandes, 46), 11.Bag'dod Bunedja, 12.Xamid Ismoil, 14.Abdukarim Hasan (s), 20.Salim Ali Alxajri, 24.Murtoza Puraliganji (7.Musab Xotr, 79), 37.Axmad Suhail, 96.Akram Afif.
Zaxira: 22.Meshal Barsham, 2.Pedro Migel, 17.Hasan Axmad, 99.Ali Freydon.