- “Metallurg”da ajoyib mavsumni o'tkazdim. Katta futbol havosidan bahramand bo'lishimda, kuchli futbolchilarga qarshi to'p surishimda va o'zimga bo'lgan ishonchni oshirishimda imkoniyat yaratib bergan murabbiylar shtabiga, xususan Rustam To'xtamurodovich hamda SHavkat Nematjonovichlarga alohida minnatdorlik bildiraman. Bekobodda o'tgan kunlarimni unutmayman. Nasib bo'lsa bir kun albatta bu shaharga va klubga qaytishni, shu bilan muxlislarga minnatdorchiligimni izhor etishni dilimga tugib qo'yganman.
“Metallurg”dagi faoliyatim men uchun maktab bo'ldi. Jamoani o'z xohishim bilan tark etdim. “Regar” jamoasi bosh murabbiyi Muhammadjon Habibulloev ancha paytdan buyon jamoasiga chorlab kelayotgandi. SHu mavsumga to'g'ri kelgan ekan, yangi klubga o'tganimdan nolimayman. Barcha sharoitlar yaratib berildi. Jamoa o'z oldiga Osiyo futbol konfederaciyasi kubogida ishtirok etish huquqini qo'lga kiritishni maqsad qilgan. SHu yo'lda tinimsiz mehnat qilayapmiz. Nasib bo'lsa, mutasaddilar va muxlislar ishonchini oqlaymiz!
Imkoniyatdan foydalanib, “Metallurg” jamoasi rahbariyatini, barcha futbolchilarni yangi mavsum boshlanayotganligi bilan tabriklayman. Superliga bahslarida omad yor bo'lsin! Fikran Sizlar bilan doimo birgaman. Klubda sodir bo'layotgan o'zgarishlar, yangiliklarni muntazam kuzatib borayapman. Nasib bo'lsa, “Metallurg” bu yil katta vazifalarni bajarishga qodir, deb hisoblayman. Yangi rahbariyat, ishchan kollektiv, eng muhimi istedodli, g'ayratli yoshlar jamlanishdi. Bekobodlik futbol ishqibozlariga alangali salom yo'llayman, deydi Sirojiddin Allaev.
Bosh sahifaga
262