Bu haqda O'FA matbuot xizmati xabar berdi. Yig'ilishda O'FA va PFL mutassaddilari va masul xodimlari ishtirok etdi.
Kun tartibidagi asosiy masala 1 mart kuni boshlanadigan Superliga uchrashuvlarini yuqori saviyada tashkil etish, stadionlarda futbol bayrami muhitini yaratish, bu borada klublar oldiga qo'yilayotgan talablarning bajarilishi qay tartibda ketayotganini nazorat qilishdan iborat bo'ldi.
Jumladan, Superliga musobaqasi o'z nomiga yarasha bo'lishi uchun tashkiliy jihatdan barcha masalalar o'z vaqtida talabga javob beradigan tarzda bajarilishi kerakligi takidlandi.
Buning uchun stadionlardagi sharoitlar muxlislar uchun qulay bo'lishi, stadionga kirish, uchrashuvni tomosha qilish va stadiondan chiqishda ishqibozlar muammolarga duch kelmasligi kerakligi, o'yinlar boshlanishidan oldin turli koncert dasturlarini tashkil etish, muxlislarga sovg'alar ulashish, oilaviy sektorlarni barpo qilish, taom va ichimlik sotiladigan nuqtalar, klub atributikalari savdosini tashkil qilish masalalari muhokama qilindi.
SHuningdek, hakamlik masalasiga ham alohida to'xtalib, joriy mavsumda Superliga uchrashuvlaridagi hakamlik yuqori saviyada bo'lishini taminlash uchun O'zbekiston futbol Associaciyasi tomonida katta hajmdagi ishlar olib borilayotgani, o'z o'rnida klublar ham hakamlarga bo'lgan hurmatni saqlab, ular o'yinlarni yuqori saviyada boshqarishlari uchun barcha qulayliklarni taminlashlari, hakamlarga chetdan bosim o'tkazish, ularning ishiga aralashish kabi holatlarga yo'l qo'yilmasligi kerakligi takidlandi.
Bundan tashqari, stadiondagi muxlislik madaniyatini oshirish kerakligi, jo'r bo'lib hakam va raqib futbolchilarini so'kish, haqoratlash kabi salbiy holatlarning oldini olish zarurligi ham alohida qayd etib o'tildi.
O'z o'rnida Superliga klublari bosh direktorlari ham uchrashuvlarni yuqori saviyada tashkil etish va o'tkazish borasida olib borilayotgan ishlar bo'yicha hisobot berdilar va tegishli masalalar bo'yicha ko'rsatmalar oldilar.
Bosh sahifaga
81
