Yangilanayotgan chempionatimiz – SUPERLIGA bahslari 1 mart sanasidan etiboran start oladi. U mamlakatimizning barcha xonadonlariga quvonch, xursandchilik olib kirishini istaymiz.
Futbol bayrami metallurglar shahri – Bekobodda ham katta umidlar, ulkan orzular bilan qarshilanayapti. Mamlakatimiz industriya sanoatida muhim o'rin tutuvchi, mehnatkash, zahmatkash, fidoyi ishchilari, ko'p millatli aholisi bilan nom qozongan Bekobodda mavsum 2018 yilning 4 mart sanasida boshlanadigan bo'ldi. Yangi mavsum yo'lida katta bunyodkorlik ishlari bajarilgan “Metallurg” markaziy stadionida faqat bitta kamchilik qoldi. “Toshshaharnur” tomonidan amalga oshirilayotgan stadionning yoritish tizimini talablar asosida tamirlash jarayoni biroz kechikyapti.
O'zbekiston metallurgiya kombinati hissadorlik jamiyati, Bekobod shahar hokimligining iltimosini erda qoldirmay, 1-tur uchrashuvini istisno tariqasida 4 mart sanasida, soat 15:30 da boshlanishiga ruxsat bergan, Bekobodni katta futbol havosidan bebahra qoldirmaganligi uchun ko'p ming sonli futbol muxlislari nomidan O'zbekiston futbol associaciyasiga, Professional futbol ligasi mutasaddilariga minnatdorlik bildiramiz, - deyiladi "Metallurg" klubi matbuot xizmati xabarida.
Bekobodda bo'lib o'tadigan “Metallurg” – “Navbahor” uchrashuvini mamlakatimizning taniqli hakamlaridan, FIFA referisi Viktor Serazetdinov boshqarib boradi. Unga qanotlarda Timur Gaynulin va Andrey Capenkolar yordam berishadi. Zahiradagi hakam Rustam Lutfulin. Hakamlar guruhi faoliyatini esa Baxtiyor Tog'aev nazorat etib boradi.
4 mart (yakshanba)
“Metallurg” (Bekobod) – “Navbahor” (Namangan), Bekobod. “Metallurg” stadioni. 4.03.2018 yil, 15:30
Hakamlar: V.Serazitdinov (Toshkent), T.Gaynullin (Toshkent), A.Capenko (Toshkent vil.), R.Lutfulin (Toshkent).
Nazoratchi: B.Tog'aev (Toshkent).
Bosh sahifaga
161
