Bugun soat 9:30 da “So'g'diyona” stadionining xollida “ So'g'diyona” jamoasining yangi futbolchilarining tanishtiruv marosimi bo'lib o'tdi. Unda Jizzax viloyat hokimligi vakillari, viloyat futbol federaciya rahbarlari ,klub hodimlari, “So'g'diyona” ayollar,futzal jamoalari va OAV vakillari ishtirok etdilar.
Dastavval ,tadbirni Jizzax viloyat hokimi sport ishlari bo'yicha o'rinbosari To'xtamishev Botir ochib berdi. U o'z so'zida viloyatimizda sportga bo'layotgan etibor,viloyatimiz sportchilari bugungi kunda erishayotgan yutuqlari haqida gapirib o'tdi. SHundan so'ng,viloyatimiz bosh jamoasi “So'g'diyona”,ayollar va futzal jamoalariga yangi mavsum oldidan omad tiladi. Superligada jamoamiz faqat g'alaba uchun kurashishi va jizzaxlik muhlislarni xursand qilishishi kerakligi takidlandi.
SHundan so'ng, Jizzax viloyatida futbolni ommalashtirish uni rivojlantirish yuzasidan Jizzax viloyat futbol federaciyasining birinchi vice prezidenti Anvar Musulmanov so'z oldi. U o'z so'zida “So'g'diyona” futzal jamoasini ilk sovrin bilan tabriklab, yil davomidagi rejalar va maqsadlar haqida gapirib o'tdi. “So'g'diyona” ning bu mavsumdagi maqsadi kuchli oltilikka kirish uchun kurashash ekanligi takidlandi.
Tadbir davomida “So'g'diyona” o'z logotipini taqdim etdi. Yangiliklar sari olg'a intilib borayotgan klubimiz bu yilgi mavsumdan etiboran yangi logotipiga ega bo'ldi. Unda asosiy planda turuvchi bo'ri aks ettirilgan. Tarixdan «Yashil bo'ri» nomi bilan tanilgan jamoamiz o'z tarixiy nomini tikladi. Logotipda Jizzax viloyatining tog'li hududlari tasvirlangan. Yashil rang tabiatni, oq rang esa poklik, tinchlik va musaffolikni anglatadi. Umid qilamizki ushbu yangi logotip jamoamizning zafarli yurishida omadli bo'ladi!
Jamoamiz bilan Toshkentda mavsumga tayyorgarlikni olib bordik. To'g'ri boshida qiyin bo'ldi lekin biz to'xtab qolmadik. Selekciya ishlarini davom ettirib jamoaga yangi futbolchilarni saralab oldik. Balandparvoz gaplarni aytmayman. Lekin bir narsani ishonch bilan aytishim mumkinki, “So'g'diyona”ning boy tarixini tiklashga va raxbarlar qo'ygan vazifa yani kuchli oltilikka kirish uchun kurashamiz. Raqobatbardosh va chiroyli,muxlislarbob futbolni namoyish etishga jamoa va murabbiylar shtabi nomidan so'z beraman. Mavsumning ilk turida safarda “Paxtakor” ga qarshi bahs olib boramiz. Unda ham faqat g'alaba uchun kurashib, jizzaxlik muhlislarni xursand qilishga harakat qilamiz- dedi “So'g'diyona” jamoasi bosh murabbiyi Aleksand Mochinov
SHundan so'ng, jamoaning tajribali futbolchisi Dilmurod Karimov so'z oldi.
-Biz hammamiz bir oila bo'lib faqat g'alaba uchun kurashamiz. Har bir o'yinda maydonda borimizni berib muhlislarni xursand qilishga harakat qilamiz. Yaratilgan sharoitlar uchun viloyat va klub raxbarlariga minnatdorchilik bildiramiz. Yangi mavsum boshlanishi bilan barchani tabriklayman va shu o'rinda “So'g'diyona” ayollar va futzal jamoalariga ham omad tilayman-dedi Dilmurod Karimov.
Tadbirning asosiy qismida esa jamoaga kelgan yangi futbolchilarga futbolkalar topshirildi.
Dilshod Xamroev
Ampluasi: darvozabon
Futbolka raqami: 23
Farxod Miraxmatov
Ampluasi: himoyachi
Futbolka raqami: 5
Doniyor Odilov
Ampluasi: Himoyachi
Futbolka raqami: 7
SHohruhbek Xolmatov
Ampluasi: himoyachi
Futbolka raqami: 15
Toxir SHamshitdinov
Ampluasi: himoyachi
Futbolka raqami: 33
Akmal Xolmurodov
Ampluasi: himoyachi
Futbolka raqami: 26
Dilmurod Karimov
Ampluasi: yarim himoyachi
Futbolka raqami: 6
Doniyor Xasanov
Ampluasi: yarim himoyachi
Futbolka raqami: 8
Sardorbek Azimov
Ampluasi: yarim ximoyachi
Futbolka raqami: 9
Alisher Ziyaviddinov
Ampluasi: yarim himoyachi
Futbolka raqami: 19
Jahongir Abdumo'minov
Ampluasi: yarim himoyachi
Futbolka raqami: 31
Iqbol Malikjonov
Ampluasi: yarim himoyachi
Futbolka raqami: 20
SHoxruz Norxonov
Ampluasi: hujumchi
Futbolka raqami: 10 
Ruslan Melziddinov
Ampluasi: himoyachi
Futbolka raqami: 85
Nurillo To'xtasinov
Ampluasi: yarim himoyachi
Futbolka raqami: 99
Tanishing «So'g'diyona» – 2018!!!!!!!!!
Bosh sahifaga
674