"Lokomotiv"ni qo'rqitmaymiz, ularni o'zi Navoiyga qo'rqib kelishadi. Sababi, biz ularga doim noqulay raqib bo'lganmiz. 2013 yili "Qizilqum" bilan "Lokomotiv"ni chempionlikdan to'xtatib qolgandim. Zo'r o'yin bo'ladi lekin. "Lokomotiv" yuqori bosim ostida o'ynashga o'rgangan va ko'nikkan jamoa. Ayni paytda "Loko" bizga nisbatan ko'proq o'yin amaliyotiga ega.
"Lokomotiv"ni mag'lub etsak bu sensaciya bo'lmaydi. Ularni avval ham yutganman. Bu men uchun yangilik emas. To'g'ri, raqib juda jiddiy va kuchli. Tarkibida terma jamoa futbolchilari, kuchli va tajribali ijrochilar ko'p. Lekin biz ham bu bahsga jiddiy tayyorlanganmiz.
Meni qo'l ostimdagi jamoa durang yoki mag'lubiyat uchun maydonga tushmaydi. Maqsad bitta - g'alaba. Muxlislarni xursand qilishni istaymiz. O'tgan yili ularni ko'p ranjitdik. Bu yili Xudo xohlasa ular doim yaxshi kayfiyat bilan jamoamizni olqishlab, qo'llab-quvvatlab turishlariga ishonaman. Biz ham o'z o'rnida ularni xursand qilamiz.
Bosh sahifaga
223
