"Nasaf": Raqibimiz “Al Ahli” safarda “Al Hilol”ni mag'lub etdi
/ Kiritdi: BestMaster O'qilgan: 1481
“Nasaf”ning OCHLdagi ilk raqibi Saudiya Arabistonining “Al Ahli” klubi kecha mamlakat chempionatining 10-turida “Al Hilol” jamoasi mehmoni bo'lib, uyga uch ochko bilan qaytadigan bo'ldi.
SHveycariyalik mutaxassis Kristian Gross boshqaruvidagi “Al Ahli” futbolchilari Ar Riyod shahridagi Qirol Fahd stadionida kechgan bellashuvning 24-daqiqasida Husayn Al Mogavining aniq zarbasidan keyin o'yinda hisobni ochishdi. 47-daqiqada “Al Hilol”ning braziliyalik yarim himoyachisi Karlos Eduardo o'yinda muvozanatni tikladi. Ammo o'yinning 68-daqiqasida Mohanad Asiri jiddaliklarga g'alaba keltiruvchi golni kiritib, jamoasining safardan g'alaba bilan qaytishini taminladi. Takidlash joizki, uchrashuvning 57-daqiqasida “Al Hilol” jamoasining braziliyalik hujumchisi Ailton Almeyda 11-metrlik jarima zarbasini golga aylantira olmadi.
Mazkur g'alabadan keyin “Al Ahli” futbolchilari 24 ochko to'plab, turnir jadvalida “Al Hilol” bilan qo'shhokimlik qilishmoqda.
Eslatib o'tamiz, “Nasaf” futbolchilari OCHLning “D” guruhida ilk uchrashuvni safarda aynan “Al Ahli” jamoasi bilan o'tkazishadi.
Bosh sahifaga
161