Hurmatli O'FA va PFL mutasaddilari! Kuni kecha Navoiy va Farg'ona viloyatlarida bo'lib o'tgan Superliganing ochilish o'yinlarini ko'rib havasimiz keldi va buning uchun qayta jon kiraetgan PFLga o'z minnatdorchiligimizni bildiramiz.
Namanganlik do'stlarimiz ham tanishtiruv marosimini qoyillatib o'tkazdilar. Xuddi shunday holatni Buxoroda ham kurdik. Sekin-astalik bilan Superliganing qolgan klublari ham OCHL saviyasiga chiqib borishlarini istaymiz va bu yo'lda biz muxlislar ham uz yordamimizni ayamaymiz.
O'FAning tashabbusi bilan "Qo'qon-1912" stadioni yangi qiyofaga kirayotganligi minglab qo'qonliklarni xushnud etayapti. Afsuski stadionimizdagi qurilish ishlari "Qizilqum" bilan o'yinda 8000 nafar muxlisni to'liq stadionga kirishiga to'siq bo'layapti. Qo'qon futbol vatani, shu munosabat bilan PFL klub rahbariyatining "Qizilqum" bilan Qo'qonda bo'lib o'tishi kerak bo'lgan uchrashuvini Navoiyga ko'chirish taklifini o'rganib chiqib uni qo'qonlik muxlislar foydasiga hal kilsa. 31 mart kuni bulib o'tadigan tur o'yinida yangilangan stadionimizni ochilish marosimini haqiqiy bayram tarzida o'tkazsak. Zero, "Qo'qon-1912" jamoasining 105 yillik to'yini munosib o'tkazsin. Umid kilamizki, "Qizilqum" jamoasi ham kichik o'zgartirishga rozi bo'ladi va 2-tur o'yinini ham o'z maydonida qabul qiladi.
"Qo'qon-1912" muxlislar klubi faollari.
Bosh sahifaga
2120