- Birinchi navbatda barchani yangi mavsum bilan tabriklayman. Intizorlik bilan kutilgan futbol mavsumiga start berildi. Superligani g'alaba bilan boshlaganimiz quvonarli holat. Qiyin uchrashuvni o'tkazdik. Biz raqibdan ko'ra bugun ko'proq vaziyat yaratdik. "So'g'diyona" birinchi bo'limda faqatgina birgina zarba yo'lladi.
Ikkinchi bo'limda Rahmatullaevni maydonga tushirish orqali maydon markazidagi o'yin yaxshilandi. Tanaffusda futbolchilarga oldingi chiziqda ko'proq harakat qilishni , hujum orqali raqibga ko'proq bosim uyushtirishni takidlagandim. Bizga g'alaba zarurligi va mavsumni uch ochko bilan boshlash nihoyatda muhimligini aytib o'tdim. Tanaffusdan keyin jamoamiz tashabbusni butkul o'z qo'liga oldi va haqli ravishda g'alaba erishdik.
Nafaqat bizda, balki chempionatdagi boshqa ko'plab jamoalarda ham kuchli tarkib mavjud. CHempionatni baribir 15 futbolchi bilan o'tkaziladi. Afsuski biz OCHLda ishtirok etmaymiz. Uchinchi frontda ham ishtirok etganimizda yana bir nechta futbolchilarga ehtiyoj sezilardi.
Bahrom Abduraximov ikkinchi bo'limda eng yaxshi futbolchi bo'ldi. Demak uni qanotda emas, balki hujumchi ortida o'ynatgan ko'proq foyda. Bu meni shaxsiy fikrim. CHempionat hali endi uzoq davom etadi. Bizni juda qiziqarli va qizg'in o'tadigan Superliga kutmoqda.
Bosh sahifaga
277