Ushbu bahsda “Dinamo” murabbiylar shtabi ikki tarkibni sinovdan o'tkazgan bo'lsa, Olma-Otaning “Qayrat” klubi bosh murabbiyi Aleksandr SHackix deyarli asosiy tarkib bilan to'p surdi.
Nazorat bahsining dastlabki daqiqalaridan “Dinamo” hujum chizig'ida murabbiylar ko'rikida bo'lgan yangi futbolchilar – “Nasaf”dan taklif etilgan yosh futbolchi Mirza Joniqulov, toshkentlik yosh yarimhimoyachi Aram Markaryan va tajribali hujumchi Muydin Mamazulunovlar to'p surishdi.
Ikkinchi bo'limning 54-daqiqasida yarimhimoyachi Jasur Azimov hisobni ochgan bo'lsa, 75-daqiqada qozog'istonliklar futbolchisi Rashid Lyuxay muvozanatni tikladi, 1:1.
Qayd etish joiz, murabbiylarimiz har ikki bo'limda ikki xil tarkibni maydonga tushirishdi. “Dinamo” 5 mart kuni Toshkentdagi dastlabki yig'inni yakunlab, 6 mart kuni Samarqandda tibbiy ko'rikdan o'tadi. Navbatdagi yig'in ham 9 mart kunidan poytaxtimizda tashkil etilishi rejalashtirilgan.
Nazorat uchrashuvi. Toshkent.
4 mart (yakshanba)
«DINAMO» - «QAYRAT» (Qozog'iston) - 1:1
Gollar: Jasur Azimov 54 – Rashid Lyuxay 75.
«Dinamo»: SHohruh Eshbo'taev, Mirkomil Lokaev, Viktor Grigorev, Hakimxon Alamxonov, Aziz Suyunov, Akmal Bozorov, Jasur Azimov, Ilhom Yunusov, Mirza Joniqulov, Aram Markaryan, Muydin Mamazunuov.
«Dinamo» (2-bo'lim): Rustam Toshturdiev, Bunyod Isroilov, Firdavs Abdusalimov, Abdullo Abdulloev, Temur Fayzullaev, Komil SHarofutdinov, Damir Temirov, Jasur Qurbonov, Elbek Otaqulov, Farrux SHotursunov, Maradon Safarov.
Eslatib o'tamiz, “Dinamo” Pro-Liga 1-turi doirasida 25 mart kuni G'uzorda “SHo'rtan” jamoasi mehmoni bo'ladi.
"Dinamo" Qozog'iston klubi bilan durang o'ynadi
/ Kiritdi: BestMaster O'qilgan: 245
Bosh sahifaga
135