“SuperMokh Cup 2015”. “Bunyodkor” tarbiyalanuvchilari uchun musobaqa yakunlandi

Kechagi yangiliklarimizda “Bunyodkor-2003”ning musobaqa g'olibi bo'lish uchun imkoniyatlari borligi haqida yozgandik. CHunki U-12 tarbiyalanuvchilarimiz “A” guruhida 9 ochko bilan ikkinchi o'rinni olishib, “pley-off”ga yo'llanma olgan 8ta jamoa qatoriga kirishgan edi. Biroq musobaqa tashkilotchilari chorak final oldidan antiqa qaror qabul qilishdi. Yani har bir guruhda Malayziya jamoalari birinchi o'rinni qo'lga kiritishgani bois bosh sovrinni o'z yurtida olib qolishni o'ylashib, aynan mezbon jamoalar ishtirokida yarim final o'yinlarini o'tkazib qo'ya qolishdi. 5tadan jamoa o'rin olgan guruhlarda 2-o'rinni qo'lga kiritganlar esa, to'plagan ochkolariga qarab 5 va 7-o'rinlar uchun kurashishi kerakligini malum qilishdi. Bu xabar g'olib bo'lish uchun yuqori kayfiyat va shunga yarasha g'ayrat to'plagan bolakaylarimizni “koma” holatiga tushirib qo'ydi. Bunday vaziyatda xo'mrayib yig'lagan va 5-o'rin uchun bahsda ishtirok etishni istamagan bolakaylarni kayfiyatini ko'tarish murabbiylar uchun qanchalik og'ir kechganini tariflab bo'lmaydi.

Qisqasi, mana shunday tushkun kayfiyatda “Bunyodkor-2003” 5-o'rin uchun Tailandning “CHonburi” jamoasi bilan kuch sinashdi va raqiblariga 0:2 hisobida imkoniyatni boy berib qo'ydi.

“SuperMokh Cup 2015”
U-12, 12 dekabr
5-o'rin uchun bahs
09:00. “Maybank” stadioni
“BUNYODKOR” – “CHONBURI” (Tailand) 0:2 (0:2)
“Bunyodkor” tarkibi: 1.Xumoyunshoh Sayyotov (S), 4.Sardor Dusebaev, 5.Bahodir Toxirov, 7.Ibrohimbek Bahodirov, 8.Po'latxo'ja Xoldarxonov, 13.Usmonjon Ravshanov, 14.Mustafo Abdumannopov, 18.Umarali Rahmonaliev, 20.Oybek SHomurodov
Zaxiradan maydonga tushganlar: 3.Zufarjon Abdunabiev, 6.Xusan Mo'minov, 9.Saidmurod Karimov, 11.Konstantin Usov, 15.O'tkirbek Rahimov, 16.Usmonali Abdukarimov, 17.Diyorbek Odiljonov

2002 yillarda tavallud topgan tarbiyalanuvchilar musobaqasida juda kuchli jamoalar ishtirok etayotgani haqida malumot berib o'tgandik. Bu yosh toifasida 13-o'rin uchun “Bunyodkor” Braziliyaning “Korintians” futbol maktabi tarbiyalanuvchilari bilan bellashdi. Qiziqarli va hujumkor ruhda o'tgan bahsda Lotin Amerika qitasi vakillari 4:2 hisobida g'olib chiqishdi. Jamoamizdan gollarga Jasur Jaloliddinov va Abdurauf Bo'riev mualliflik qilishdi.

“SuperMokh Cup 2015”
U-13. 12 dekabr
13-o'rin uchun bahs
11:00. “Bukit Jalil” stadioni
“BUNYODKOR” – “KORINTIANS” (Braziliya) 2:4 (0:3)
Gollar: Jasur Jaloliddinov, Abdurauf Bo'riev
“Bunyodkor” tarkibi: 1.Gleb Xarin, 3.Lyubomir Bondarenko, 4.Diyorbek Rahimqulov, 6.Jo'rabek Rixsiboev, 9.Abdurauf Bo'riev (S), 13.Abrorbek Neymatov, 18.Sobir Norboev, 7.Jasurbek Jaloliddinov, 11.Otabek Jo'raqo'ziev, 17.Jasurbek Abdulekov, 19.Farruhbek Xojibekov
Zaxiradan maydonga tushganlar: 2.Abdul-Aziz Yusupov, 5.Abbosbek Ashiraliev, 15.Abduqodir Xusanov, 16.Sardor Abdurashidxo'jaev

SHu tariqa, 2002 va 2003 yillarda tavallud topgan jamoalarimiz “SuperMokh Cup 2015” musobaqasidagi ishtiroklarini yakunlashdi. Qayd etilgan natija ijobiy bo'lmadi. Umumiy hisobda 40ta jamoa ishtirok etgan ushbu musobaqa tarbiyalanuvchilarimizning keyingi faoliyatiga albatta foydali bo'ladi, deb bemalol ayta olamiz.