Mana shu aqidaga amal qilgan O'zbekiston Yoshlar Ittifoqining “Iftixor” jamoasi xayrli ishga qo'l urdi.
O'zbekiston Yoshlar Ittifoqi va “Iftixor” futbol klubi rahbariyati tashabbusi bilan jamoa azolari Farg'ona shahridagi “Muruvvat uyi”ga tashrif buyurib, xayriya akciyasini o'tkazishdi.
Futbolchilar “Muruvvat nogironli bo'lgan bolalar uchun internat”ga kelgan paytda bolalar uchun 8 mart – Xalqaro xotin-qizlar kuniga bag'ishlangan koncert dasturi bo'layotgan edi. Futbolchilarning tashrifi esa qalbi o'ksik bolalarga yanada quvonch baxsh etdi.
O'ziga xos tadbirni O'zbekiston Yoshlar Ittifoqi Markaziy Kengashi sport bo'limi mudiri Umid Rajabov ochib berdi.
SHundan keyin “Iftixor” futbol klubi rahbari Ahrorjon Ergashev so'zga chiqib, kelayotgan bahor bayramlari bilan barchani tabriklab, jamoa har doim mehrga muxtoj bolalarni qo'llab-quvvatlashga tayyor ekanligini takiladi. Pro-ligada munosib ishtirok etishni ko'zlayotgan “Iftixor” jamoasining maqsadlari ulkan ekanligini aytar ekan, klub rahbari aynan mana shu bolalar uchun jamoa chempionlikni qo'lga kiritishiga vada berdi.
Tadbir yakunida ushbu muassasada tarbiya topayotgan bolalarga futbolchilar tomonidan klub sovg'alari taqdim etildi.
Tadbir so'ngida “Muruvvat uyi” rahbariyati sportchilarga tashriflari uchun o'z minnatdorliklarini izhor qilishdi.
Klub matbuot xizmati
Bosh sahifaga
152