Tottenxem – Yuventus
CHorshanba, 00:45. London, Uembli
Birinchi o'yin
Yuventus – Tottenxem 2:2
Gollar: Iguain 2, 9 (penalti) – Keyn 35, Eriksen 71.
Taxminiy tarkib:
Tottenxem: Loris – Tripper, Sanches, Vertongen, Devis – Dayer, Dembele – Eriksen, Alli, Son – Keyn.
Yuventus: Buffon – Lixtshtayner, Benatya, Kellini, Sandro – Xedira, Pyanich, Matyuidi – Kosta, Dibala, Manjukich.
To'purarlar: Keyn 7 – Iguain 4.
O'yinga tushmaydi: Alderveyreld, Ore – Kuadrado, De SHilo, Bernardeski.
So'roq ostida: …- Iguain.
Birinchi bahs 2:2 hisobida yakunlangan, bu esa biroz bo'lsa-da "Tottenxem" foydasiga xizmat qilishi shubhasiz. O'yinning hisobini taxminan aytib ham bo'lmaydi. "Yuventus" so'nggi vaqtlarda shuni isbotladiki, jamoa g'alabaga loyiq bo'lmagan o'yinlarda ham yutishga qodir. Paulo Dibalaning so'nggi daqiqalarda kiritgan goli "Lacio"ni mag'lub etdi, shu orqali jamoa ECHL o'yiniga yaxshi kayfiyatda etib bordi. Bu kayfiyat "Napoli"ning "Roma"ga mag'lub bo'lganida ikki baravarga yaxshiroq bo'ldi. SHu orqali turinliklar A Seriya turnir jadvalida etakchilikka qaytib olishi mumkin.
"Yuventus" so'nggi bora noyabr oyining oxirlarida "Sampdoriya"ga mag'lub bo'lgandi. SHundan keyin "byankoneri"lar 20 rasmiy o'yinning 17tasida g'alaba qozondi.
"SHporlar" ham bu yili yutqazmadi, APL jamoalari orasida eng ko'p ochkoni yig'a oldi. MYU, "Liverpul", "Yuventus", "Arsenal" ham 2018 yilda "Tottenxem"ni ustidan g'alabaga erisha olmadi.
O'tgan haftada "shporlar" Son Xen Minning dubli evaziga "Xaddersfild"ni 2:0 hisobida dog'da qoldirdi. Endi ular bu natijani "Yuventus" bilan uchrashuvda ham qaytarishmoqchi.
Qiziqarli faktlar
- "Tottenxem" - "Barselona" va "Liverpul" kabi ECHLda mag'lub bo'lmagan 3 jamoadan biri;
- "Tottenxem" ECHL doirasida "Uembli"da o'tgan so'nggi 4 bahsning barchasida g'alabaga erishgan, bu esa klub uy uchrashuvlari g'alabalarining eng uzun seriyasidir. Ular har bir uchrashuvda 3tadan gol kiritgan.
- "Yuventus" ECHLdoirasidaso'nggi 7 safaruchrashuviningfaqatginabittasidamag'lubbo'lgan (4 g'alaba, 2 durang). SHubahslarning 3tasidadarvozasidangolo'tkazibyubormagan.
- Xarri Keyn bu mavsum ECHL doirasida "Tottenxem"ning 53 foiz golida ishtirok etgan (7 gol, 3 assistent).
- Janluijji Buffon ECHL doirasida yana bir marta quruq o'yin o'tkazsa, bu uning uchun 50-si bo'ladi. Faqatgina ikki darvozabon undan oldinda bormoqda - Iker Kasilyas 57 o'yin, Edvin van der Sar 50 o'yin.
Murabbiylar shunday deydi:
Maurisio Pochettino ("Tottenxem"): "Ilk bosqichdanoq Turin jamoasi yaxshi o'ynay boshladi. Albatta, futbolda omadsiz hech qaerga borib bo'lmaydi. O'shanda mezbonlar penaltidan gol ura olmagani bizning futbolchilarga yaxshi ishtiyoq berdi. Maydonda jang qilish va bundan rohat olishga tayyormiz. Ayni damda bizda keyingi bosqichga chiqish uchun yaxshi imkoniyat bor"
Massimiliano Allegri ("Yuventus"): "Oldimizda katta o'yin bor va bunday bahslarni har doim intizorlik bilan kutasan. Bunday bahslarda jamoa qanday saviyada ekanligini vaziyatdan foydalanishda ko'rsatadi. SHanba kuni "Lacio"ga qarshi og'ir uchrashuv o'tkazdik. Yaxshiki, o'shanda Dibala gol urgandi"
Bosh sahifaga
673