Futbolchining onasi o'z intervyusida ayni damda uysiz ekanligi, konteynerda kun kechirayotganini aytib o'tgan. Eynsli esa onasiga shunchaki yordam berishni rad etmoqda, shuningdek, akasiga u bilan aloqaga chiqishni ham rad etmoqda. Futbolchi kvartira uchun pul to'lashni to'xtatdi va boshqa uyga ko'chib o'tdi, onasi esa oila azolaridan hech kim bilan aloqaga chiqmasligini so'radi.
MEYTLEND-NAYLS O'ZI KIM?
Eynsli - "Arsenal"ning etishib kelayotgan yulduzi. Yozda u Angliyaning yoshlar terma jamoasi tarkibida bo'ldi. Terma bilan 20 yoshgacha bo'lganlar o'rtasidagi jahon chempioni bo'ldi. U egoistik qarashlari bilan tarkibning asosiy futbolchisi bo'lmadi. Yarim himoyachini Pol Pogbaga o'xshatishadi. Unda alo darajadagi texnika bor, biroq o'zida to'pni ko'p ushlab turadi va ko'p xato qiladi, sheriklarini o'ylamaydi.
"Arsenal"dagi bu mavsum futbolchi uchun katta yutuq bo'ldi. Arsen Venger uni kutilmaganda chap qanot himoyasiga qo'ya boshladi. Eynsli APLda 9 o'yin o'tkazdi va o'zidan yaxshi taassurotlar qoldira oldi.
FUTBOLCHINING ONASI NIMALAR BILAN YODDA QOLDI?
Angliya jamiyati futbolchining o'z onasiga qilayotgan munosabati uchun jazo berishga shoshildi, biroq o'rtada katta tarix bor edi. 38 yoshli Juli futbolchini faoliyatini boshlashiga qarshilik bildirgan. Ona o'g'lining agenti bo'lgan va barcha moliyaviy ishlarni nazorat qilgan. U Eynsli bilan maslahatlashmagan va "Arsenal"da olib ketish yo'li bilan qo'rqitgan. Bu holat 2015 yilning mart-aprel oylarida bo'lib o'tgan. Avvaliga ona muzokaraga taklif etilgan ikki "Arsenal" vakiliga zarba bergan. Keyinchalik u "Arsenal"ning transfer ishlariga masul bo'lgan Diki Louni urgan. Julining fikri buzilgan, uni faqatgina policiya to'xtatib qolgan. Huquq posbonlari uni klub joylashgan erga borishini taqiqlagan, biroq u o'z ishini davom ettiravergan.
Biroz vaqt o'tib, 17 yoshli futbolchi yoshlar jamoasi tarkibida "Aston Villa"ga qarshi o'yin o'tkazgan. Ona stadionga borgan va maydonga tushib, o'g'lini olib ketmoqchi bo'lgan. Bu orqali ayol klub tomonidan futbolchiga taklif qilingan mablag' kam ekanligini ko'rsatmoqchi bo'lgan. "Arsenal"dagilar tezroq ishlarning yakunlanishini istadi, futbolchining hayotiga aralashmaslikni maqul ko'rishdi.
Bu bilan ham ona tinchimadi. O'g'liga doimiy qarshilik ko'rsatdi. Eynsli "Ipsvich"ga ijaraga berilgan vaqtlarda ham xuddi shunday voqea yuz berdi. 2016 yilning aprelida u o'z yoshi bo'yicha Angliya terma jamoasiga chaqirildi. "Ipsvich" bosh murabbiyi Mik Makkarti futbolchidan jamoada qolishini, CHempionshipda muhim o'yinlarda uni maydonga tushirishini aytgan. Futbolchining o'zi bunga qarshi emasdi, biroq ona umuman boshqa fikrda edi.
Mik Makkarti - eski maktab murabbiyi, "qariya o'quvchilar" uni Angliya futbolining elitasida "Vulverxempton"da qanday ishlaganini yaxshi biladi. Hayotni ko'rgan irlandiyaliklar matbuotga bayonot bilan chiqishgan va futbolchi onasini tomonidan jinni deyilgan. Murabbiy futbolchisiga klubdan ketishini taqiqlagani uchun ayol g'azablandi. Makkarti o'ziga aytilgan mana shunday haqoratlardan keyin Eynslini ushlab turmadi. SHundan keyin u "Ipsvich" tarkibida bir o'yinda maydonga tushdi va keyinchalik "Arsenal" tarkibiga qaytdi.
ONASINING TALQINI
Juli Britaniya matbuotiga umuman boshqacha gaplarni aytdi. Uning gaplariga ko'ra, futbolchini o'ziga qarshi qayrashgan. SHuningdek, o'zining pullarini olib qo'yishgan.
"Men odamlar buyumlarini saqlaydigan konteynerda yashayapman. Bu erda oyna, hojatxona yo'q, yuvinib bo'lmaydi. U menga uy sotib olib berishi mumkin edi. Biroq pul uning miyasini buzdi. O'g'lim "Arsenal" tarkibida o'ynamoqda, men esa uysizman.
O'zimni juda yomon his qilyapman. SHunchaki qaerda xato qilganimni bilishni xohlayman. Faqatgina bolaligimda pulim yo'q bo'lib, och qolganman", - degan edi Juli.
Ayol ishlamoqda, biroq Angliya qonunlariga ko'ra, unga uy berilmaydi, chunki uning doimiy shug'ullanadigan ishi yo'q. SHuningdek, unga hech kim kafil bo'la olmaydi. Futbolchi oila azolariga ruxsat bermaganidan keyin ayol yolg'iz qoldi.
2014 yilning dekabrida Meytlend-Nayls Jek Uilshirdan keyin ECHLda o'ynagan "Arsenal"ning eng yosh futbolchisi bo'ldi. Futbolchi 17 yoshligidayoq ECHL guruh bosqichida o'ynadi. O'sha vaqtlarda ham u o'zini onasiga ishonmasdi.
"SHunday imkoniyatni taqdim etishgani uchun oila azolarimni tabriklayman. Libosimni esa onamga beraman"
Uch yildayoq oila pul muammosidan qutuldi. Ona o'g'lini "Arsenal"dan yiroq tutishga urindi, pullarga rozi bo'lmadi, endi uning o'zi konteynerda yashamoqda. Bazan futbolchilar o'z raqiblariga ham bunday qattiq ish qilishmaydi. Odam bir ish tufayli butun bir o'tgan hayotini ifodalay oladi.
Mirjalol Normatov tarjima qildi
Bosh sahifaga
242
