Aleksandr Geynrix: "Bugundan boshlab bor etiborimizni Yamanga qaratamiz"

- Malum bir tanaffusdan so'ng yana MTJga qaytdingiz, orada tarkibda bir qancha o'zgarishlar bo'lganini o'zingiz ham ko'rib turibsiz. SHu haqda fikrlaringiz...

- MTJga doimo yordam berishga tayyorman. Unda o'ynashni barcha istaydi, vataning bayrog'i ostida maydonga tushish sportchi uchun g'urur. Qaytishimga bunchalik etibor qaratishadi deb o'ylamagan edim. Ishonch bildirayotganlarga rahmat aytaman. Tarkibni o'zgarganini ko'rib turibman. Yoshlar ko'paygan. Ular bilan mashg'ulot davomida yaxshiroq tanishamiz va o'yinga tayyorgarlik ko'ramiz. 

- Yaman haqida nima deya olasiz?

- Hozircha hech nima. Bugun yig'in boshlandi, ertadan raqib haqidagi axborotlar bilan tanishamiz va shunga qarab tayorgarlik olib boramiz. Ularni kuchli va kuchsiz tomonlarini o'rganish juda muhim.

- Keyingi raqibimiz Filippin guruhimizda sensaciya qilyapti. U erda bizni oson bo'lmagan o'yin kutib turibdi...

- Demak yaxshilab o'rganishimiz kerak.

- Siz kabi uzoq yillardan so'ng Anvar Rashidov ham MTJga qaytdi, bunga munosabatingiz...

- (kuladi) Oooo, Tursunoch (Tursunovich, futbolchi va murabbiylar unga Tursunoch deb murojaat qiladilar). Albatta uni terma jamoada bo'lishi futbolchilarni kayfiyatini ko'taradi. Uni o'zi ham bundan xursand.

- Kecha "Astana" ECHLni guruh bosqichiga yo'llanmani qo'lga kiritdi. Bu Qozog'iston uchun katta bayram bo'lsa kerak?

- Albatta bu qozog'istonliklar uchun katta yutuq. Men astanaliklar uchun xursand bo'ldim. ECHLda to'p tepishni ko'pchilik istaydi, bugun ularning orzulari amalga oshdi.