Qarshidagi o'yinni jarohati bois o'tkazib yuborgan Xavi safga qaytdi. Bu haqda "Al Sadd" klubining "Instagram"dagi rasmiy sahifasi xabar berdi.
"Nasaf" esa Dohaga 20 nafar futbolchi bilan uchib ketdi. Bu haqda klub rasmiy xabarida elon qilingan. Ammo berilgan ro'yxatda chap qanot himoyachisi Saydullo Rahmatov yo'q. Aynan nima sababdan Rahmatov Qatarga uchib ketmagani xabarda ochiqlanmagan.
Dragan CHeran esa o'z yurtidan to'g'ri Dohaga uchgan. "Nasaf"ning serbiyalik hujumchisi "Al Sadd"ga qarshi bahsda "ajdarlar"ga yordam berishga tayyor. "Nasaf" delegaciyasi Dohadagi “Millennium” mehmonxonasidan qo'nim topishgan. Ro'ziqul Berdiev shogirdlari bugun Dohadagi dastlabki mashg'ulotlarini ham o'tkazishga ulgurishgan.
"Nasaf"ning Dohaga yo'l olgan tarkibi quyidagicha:
Darvozabonlar: 35.Sanjar Quvvatov, 1.Umidjon Ergashev, 65.Mashhurjon
Muhammadjonov.
Himoyachilar: 4.Maqsud Karimov, 5.G'olib G'aybullaev, 14.SHarof Muhitdinov,
22.Igor Golban, 55.Slavko Lukich, 92.Umarbek Eshmurodov.
Yarim himoyachilar: 6.Azizjon G'aniev, 7.Odiljon Hamrobekov, 8.Sanjar Rashidov,
20.Islom Kenjaboev, 21.Jahongir Aliev, 27.Islom Rashidxonov, 38.Akmal
Mozgovoy, 77.Jasur Hasanov.
Hujumchilar: 10.Bobir Abduxoliqov, 30.Xudoyorxon Sag'dullaev, 69.Dragan CHeran.
Ro'ziqul Berdiev "Buxoro"ga qarshi kechgan o'yindan keyin jamoa safida muhim uchrashuv oldidan yo'qotish mavjudligi haqida gapirgandi.
Eslatib o'tamiz, 13 mart kuni "Nasaf" OCHL 4-tur doirasida Qatarning "Al Sadd" jamoasiga qarshi bahs yuritadi. Uchrashuv Toshkent vaqti bilan soat 20:15da boshlanadi.
Bosh sahifaga
101