"So'g'diyona": Muxlislarga tashakkurnoma!

Jizzaxlik futbol muxlislari azal-azaldan mamlakatimizda o'z o'rni va hurmatiga ega. Ular o'z sevimli jamoasini og'ir kunlarida ham, xursandchilik kunlarida ham, umuman har qanday holatda ham yurakdan qo'llab-quvvatlab turishadi. Jamoamizning Toshkentda “Lokomotiv” jamoasidan uchragan yirik hisobdagi mag'lubiyati barchaga ruhiy tomondan tasir qilgan bo'lsa ajabmas. 19-turda Jizzaxdagi “Navbahor” bilan o'yinda muxlislarning stadionni to'ldirib jamoani tinmay quvvatlab turishlari, ayniqsa kechagi “Metallurg” bilan bo'lgan ajoyib o'yinda Jizzaxlik muxlislar Bekobodda o'z sevimli jamoalarini yuqoriy kayfiyatda muxlislik qilishlari jamoamizning ruhiy tushkinlikni engib, maydonda o'zlariga bo'lgan ishonchni qaytarishlariga katta yordam berdi.

“So'g'diyona” PFK rahbariyati,mamuriyati va barcha azolari jamoamizning ashaddiy va doimiy muxlislariga ularning qo'llab-quvvatlashlari uchun chin yurakdan minnatdorchilarlik bildirib qolamiz. Ularga har doim futbol quvonchlari, xursandchiliklaridan rohat olib yurishlarini tilab qolamiz!