Branko Ivankovich: "Persepolis" OCHL finaligacha bora oladi"

Xorvatiyalik murabbiyning aytishicha, uning jamoasi bu mavsum OCHL finaligacha bora oladi:

- "Osiyo chempionlar ligasida kuchli jamoalar ko'p va biz ham shular qatoridamiz. Biz istalgan raqibni mag'lub etishimiz mumkin. Futbolda g'alaba va mag'lubiyat yonma-yon yurishini bilamiz, lekin bu ham bizni o'z maqsadimizdan qaytara olmaydi. Qolaversa, "Persepolis" o'tgan yilga nisbatan ancha kuchaydi. Avvalgi mavsumda yarim finalgacha borgandik, lekin bu yil finalgacha bora olamiz".

Eslatib o'tamiz, bugun "Persepolis" safarda "Al Vasl"ga qarshi bahs olib boradi. Uchrashuv bizning vaqt bilan 20:15da boshlanadi.