Seminar Andijon shahar SHo'rbuloq dahasida joylashgan futbolga ixtisoslashtirilgan maktab-internatida bo'lib o'tdi. Ushbu seminarda O'FA Bolalar va o'smirlar futbolini rivojlantirish bo'limi boshlig'i Jalimov O'ngarbay, viloyat FF xodimlari va viloyatda faoliyat olib borayotgan futbol murabbiylari ishtirok etdilar. Seminar davomida Futbolga ixtisoslashtirilgan maktab-internati murabbiyi Guldaev Lochin o'z ish faoliyati hamda mashg'ulotlar jarayonlari bilan ishtirokchilarni tanishtirdi.
Seminar yakuniga etganidan so'ng viloyat Jismoniy tarbiya va sport boshqarmasida konferenciya bo'lib o'tdi.
Konferenciyada viloyat JTSB boshlig'i O'tkirbek Toshpo'latov, Andijon viloyati futbol federaciyasi birinchi vice prezidenti Bekzodbek Karimov, O'FA Bolalar va o'smirlar futbolini rivojlantirish bo'limi boshlig'i O'ngarbay Jalimov, shahar va tumanlardagi BO'SMlar direktorlari, murabbiylar va futbol sohasida faoliyat ko'rsatib kelayotgan soha vakillari ishtirok etdilar.
Konferenciya davomida viloyatda futbol sohasida jonkuyarlik bilan ishlab kelayotgan murabbiylar tashakkurnoma va esdalik sovg'alar bilan taqdirlandilar. SHu bilan bir qatorda, o'z kasbiga layoqatsiz, qoniqarsiz ishlayotgan murabbiylar va ushbu murabbiylar direktorlariga hayfsan elon qilindi va ogohlantirildi.
SHundan so'ng so'zga O'FA Bolalar va o'smirlar futbolini rivojlantirish bo'limi boshlig'i O'ngarbay Jalimov so'zga chiqib, konferenciya ishtirokchilarini futbol sohasida olib borilayotgan keng ko'lamli ishlar bilan tanishtirdi. Xususan, Bolalar futbolini rivojlantirish yo'llari, murabbiylar mutaxassisligi bo'yicha o'zgarishlar va futbolga oid tasdiqlangan yangi qaror va farmoyishlar bilan tanishtirdi. Murabbiylar konferenciya davomida o'zlarini qiziqtirgan savollarga javob oldilar.
Bosh sahifaga
209
