1:2 hisobidagi mag'lubiyatdan "Yunayted"ning ashaddiy muxlislari shok holatida. Bilamiz, uyqulari ham kelmayapti. Albatta-da, bu erda uyqudan voz kechib, sevimli jamoaning g'alabasini kutsangizu, oqibatda o'sha superklub nursiz o'ynab, yutqazib qo'ysa barchaga alam qiladi-da.
O'yinni kuzatar ekanmiz, "Yunayted" chorak finalga chiqa oladigan jamoaga o'xshamadi. MYU muxlislari, tan oling shuni. Aslida Sevilyada o'tgan bahsdayoq bu xulosaga kelgandi ko'pchilik. O'yin sifati borasida ispan jamoasi keragidan ortiqcha ustunlikni namoyish eta oldi.
Balkim bunga Mourinoning "avtobusi" sababchidir?! Yo'q, "avtobus" - "Yunayted"ning yutug'i. Axir shunday uslub bilan safarda "Arsenal" mag'lub etildi, "Liverpul" bilan durang o'ynaldi. SHuningdek, Mersisayd jamoasi va "CHelsi"ning "Old Trafford"da mahv etilishida ham "avtobus"ning o'rni katta. To'g'ri emasmi?
"Manchester Yunayted" - qo'rqoq jamoa. Kuchli jamoalar bilan o'yinlarda tashabbus har doim raqibga topshiriladi. Bu esa katta tavakkalchilik. Bunday pallada o'yin sifati ikkinchi o'ringa tushib qoladi. Ayni damda klubda Ser Aleks ishlamayapti. Uning jamoasi natija borasida ham, o'yin sifati borasida ham yuqori ko'rsatkichlarni qayd eta olardi. U davrlar o'tib ketgan, 2013 yil tugaganiga 5 yil o'tdi. Uyg'on, "old Trafford"!
Joze Mourino ham o'zining ananaviy principlari bor mutaxassis. Jozening kamchiligi - "avtobus" emas! Taxmin qilib ko'ringchi, bu nima ekan?! Darvozabon - David De Xea! Yo'q, bilamiz, u dunyoning eng kuchli darvozabonlaridan biri. Joze aynan uning mahoratiga ishongan holda katta tavakkalchilikka qo'l urmoqda. Agarda uning o'rnida boshqa biror saviyasi pastroq posbon "Yunayted" darvozasini qo'riqlaganida, jamoa bunchalik darajada chuqur himoyaviy o'yin ko'rsatmasmidi?!
"Sevilya"dan o'tkazib yuborilgan ikkinchi goldan keyin Joze tarkibda ikkita o'zgarishni amalga oshirdi. Ko'rdingiza, o'shanda "Yunayted"ga "gaz berildi". Jamoa xohlasa mana shunday o'ynay oladi. Biroq bugungi kun ular uchun atalmadi. Faqatgina o'tkazib yuborilgan ikkinchi golgina jamoa azolari va muxlislari ustiga muzdek suvni ag'darib yubordi. Ishtiyoq oshib ketdi. Ammo...
Ammo, vaqt juda kam qolgandi. SHunda ham "iblislar" sher kabi hujumga otlandi. Bu tomonda esa "Sevilya" "Yunayted" uslubini qo'lladi. Biroz pala-partish bo'lsa-da, "avtobus"!
Joze raqibning salohiyatiga to'liq baho bermadi. Bu uning katta aybi. Mag'lubiyatda to'laqonli u aybdor. Uning o'yinga tanlagan taktikasi, yo'nalishi o'zini oqlamadi. Oqibatda jamoa chorak finalsiz qoldi. (MYU muxlislari bu gaplarimga qo'shilmaslikka haqqingiz bor)
ECHL chorak finaliga har doim munosib jamoalar chiqadi. Demak kutib oling, "Sevilya" chorak finalda.
Mirjalol Normatov
Bosh sahifaga
216
