Yig'in so'nggida jamoa Termizning “Surxon” jamoasiga qarshi uchinchi nazorat o'yinida kuch sinashishdi.
Bahs davomida ustunlikka ega bo'lgan "Norin" yakunda 3:0 hisobidagi g'alabani tantana qilishdi. Gollarga Sanjar Baratov, Umarbek To'xtasinov, Bahodir Murtazoevlar mualliflik qilishdi. Umumiy hisobda “Norin” jamoasi Toshkent yig'inida uchta nazorat o'yinida kuch sinashib, barchasida g'alaba qozondi. Bunga qadar “Lokomotiv BFK” (3:0) va “Andijon” (3:2) jamoalari bilan bahs olib borilgandi. Jamoa azolari qisqa muddatlik dam olishdan so'ng mashg'ulotlarni Haqqulobod shahrida davom ettirishadi.
Mavsum boshlanishi oldidan tarkibga bir qator futbolchilarni qo'shib olinganligi haqida avval xabar bergandik.
Toshkent yig'ini davomida jamoa safiga tajribali himoyachi Vusol Magerramov qo'shildi. Ushbu futbolchi 2017 yilgi mavsumni “Olmaliq” jamoasida o'tkazgandi. Bundan tashqari o'tgan mavsum ikkinchi yarmini Bangladeshning “Saif” jamoasida o'tkazgan Ahror Umarjonov yana “Norin”ga qaytdi. Yarim himoyachi davralar oralig'ida xorijdan tushgan taklifni qabul qilib, Bangladeshga yo'l olgandi.
Bosh sahifaga
209