Akmal Xolmurodov: “Bu mavsumda kiritilgan har bir ochko oltinga teng”

Ushbu bahs oldidan “So'g'diyona” jamoasi sardori Akmal Xolmurodov o'z fikrlari bilan o'rtoqlashdi.

- “Neftchi” jamoasiga qarshi bahsga yaxshi tayyorgarlik ko'rgan edik. Ammo o'zingiz guvohi bo'lganingizdek kuchli shamol sabab o'yin juda qiyin o'tdi. Raqiblar ham, biz ham o'z o'yinimizni namoyish eta olmadik.

“So'g'diyona” “Buxoro” jamoasiga qarshi bahs olib boradi. Ushbu bahsga tayyorgarlik qanday olib borildi va o'yindan oldin fikrlaringiz.

- “Buxoro” juda yaxshi shakllangan jamoa. Raqib jamoa tarkibida tajribali futbolchilar yig'ilgan. Biz Buxoroga uch ochko olish uchun keldik. Ushbu mavsumda qo'lga kiritilgan har bir ochko oltingga teng. Jamoa o'yinga shay. Nasib qilsa jizzaxlik muxlislarni xursand qilamiz degan umiddamiz - deydi jamoa sardori Akmal Xolmurodov

SHu o'rinda eslatib o'tamiz, “Buxoro”-“So'g'diyona” o'yini 16 mart kuni soat 20:00 da “Buxoro”dagi markaziy o'yingohida bo'lib o'tadi.