Bugun futbol. "Neftchi" - "Bunyodkor"

Superligada o'ynash imkoniyati berilgan "Neftchi" o'z maydonida "Bunyodkor"ni qabul qiladi. Soat 18:00da boshlanadigan o'yinga qiziqish katta. Har ikkala jamoa ham bugun g'alaba uchun o'ynaydi deb bemalol aytsa bo'ladi.

Xuddi "Nasaf" bilan bo'lgani kabi "Neftchi" bugun ham ochiq va shiddatli o'yin namoyish etsa kerak. O'z navbatida "Bunyodkor"ning ham hujumkor futbol ko'rsatishiga shubha yo'q.

"Neftchi" bungacha ikkita o'yinda maydonga tushib, ikkalasida ham durang qayd etdi. Qizig'i shundaki, "Neftchi"ning "Nasaf" va "So'g'diyona"ga qarshi bahslari 0:0 hisobida tugadi. Jamoa hali gol urgani va o'tkazgani yo'q.

"Bunyodkor"ga kelsak, bugungi o'yin jamoaning Superligada safardagi ilk uchrashuvi bo'ladi. Mirjalol Qosimov shogirdlari avvalgi ikkita o'yinni uyda o'tkazib, bir durang va bir g'alaba qayd etishdi. AGMK bilan 1:1 o'ynagan "Bunyodkor" keyingi turda "Paxtakor"ni 1:0 hisobida mag'lub etdi.

Imkoniyatlar borasida ustunlik "Bunyodkor" tomonida deya olamiz. CHunki o'yin uslubi tomonlama mehmonlar kuchliroq. Yangilangan "Neftchi"da o'yin hozircha kuchli emas, biroq ularning ustunligi muxlislarida ekanini unutmaylik.