-Xabaringiz bor bugungi bellashuvga OCHL musobaqasida uzoq safardan qaytib, Navoiyga kelgandik. Ochig'ini aytaman, yo'l azobi bugungi bellashuvimizga tasir o'tkazishidan biroz xavotirda edim. SHu bois tarkibda bir qator o'zgarishlarni amalga oshirishga majbur bo'ldim. Lekin shogirdlarim o'zlarida kuch topa olishdi va g'alaba uchun kurashishdi. Taktik ko'rsatmalarimizni ham to'g'ri bajarishdi va shuning evaziga uch ochkoni qo'lga kiritdik. Ushbu o'yindan keyin jamoamizga qisqa tanaffus elon qildik. Tarkibimizdagi bir qator futbolchilar olimpiya terma jamoasiga yo'l olishadi...
-Dragan CHeran Qatardagi o'yinda jarohat olib maydonni tark etgandi. Bugun tarkibda umuman ko'rinmadi?
-Dragan o'sha o'yinda jarohatini yangilab oldi. Hozir davolanish bilan band. Rejamiz bo'yicha OCHL o'yiniga qadar safimizga qaytishi kerak.
-Bugungi raqib “Qizilqum” haqida qanday fikrdasiz?
-Juda tajribali jamoa. O'tgan ikki turdagi mag'lubiyat jamoaga qattiq tasir qilgani aniq edi. SHu bois bugun bizga jiddiy qarshilik ko'rsatishdi. Qaysidir manoda omadimiz ham keldi. CHunki ular yaratilgan vaziyatlardan unumli foydalanganda, hisob boshqacha bo'lishi ham mumkin edi. Jamoa yuqorida aytganimdek ancha tajribali. Bugun Gevorkyan ham jarohatdan qaytib, ilk marta maydonga tushdi. Jamoaning g'alabali o'yinlari oldinda, deb o'ylayman.
"Qizilqum" matbuot xizmati.
Bosh sahifaga
119