Ushbu uchrashuvdan so'ng “Navbahor” futbolchilari o'z fikrlarini bildirib o'tishdi.
Botirali Ergashev
“Avvalambor “Lokomotiv” jamoasi ustidan g'alaba qozonganimizdan barcha muxlislarimizni tabriklayman. Agarda ular bizni qo'llab-quvvatlashmaganida biz bunday natija qayd etmagan bo'lar edik, nazarimda. SHuning uchun ham muxlislarimizga rahmat aytaman. “Lokomotiv” O'zbekistondagi eng kuchli jamoalardan biri. Raqibimiz ustidan ishonchli g'alaba qozonganimizdan xursandman. Bizni qo'llash uchun stadionga tashrif buyurgan muxlislarimizga katta rahmat aytaman”, - deydi Botirali Ergashev
Dilshod Jabborov
“Lokomoti”ga qarshi juda ham qiyin o'yin kechdi. “Temiryo'lchilar” tajribali jamoa, to'pni yaxshi nazorat qiladi. Jamoaviy o'yin evaziga g'alaba qozondik. Muxlislarimiz katta yordam berdi. Ushbu g'alabada muxlislarning hissasi juda ham katta. Stadiondagi muhit alo darajada. Bunday muxlislar ko'z o'ngida g'alaba qozonmasak bo'lmasdi. Menimcha “Lokomotiv”ga omad etishmayapti. OCHL guruh bosqichida 2 daqiqada 2ta to'p o'tkazib yuborib mag'lubiyatga uchradi. Bu vaqtinchalik holat. O'ylaymanki, keyingi o'yinlarda o'zlariga kelib olishadi. Keyingi bahsga ham alo darajada tayyorlanamiz”, - deydi Dilshod Jabborov
Davron Hoshimov
“Juda ham qiyin bo'lgan uchrashuvda g'alaba qozondik. “Lokomotiv” jamoasi qanchalik kuchga ega ekanini barcha yaxshi bilsa kerak. “Lokomotiv” futbolchilari individual mahoratga ega. SHunga yarasha ushbu uchrashuvga jiddiy tayyorgarlik ko'rgandim. Birinchi marotaba Ilhom Mo'minjonov qo'l ostida mashg'ulot o'tkazyapman. Avval “Paxtakor” jamoasida faoliyat olib borgan paytimda Mo'minjonov bilan ko'rishib turar edik. Lekin mashg'ulotlarida deyarli qatnashmaganman. Ushbu murabbiy bizni “Lokomotiv”ga qarshi o'yinga hamma tomonlama tayyorladi. Hattoki o'yin kuni ham engil mashg'ulot o'tkazdik. Ushbu uchrashuvda g'alaba qozonganimizdan xursandman. Bu muxlislarimizning g'alabasi. Ular bizni bevosita stadiondan turib qo'llab-quvvatlab turishdi. Bizga muxlislarimizning qo'llab turishlari kuch berdi. Ularni ko'rib yanada kuchimizga kuch qo'shildi. Buning uchun muxlislarimizga katta rahmat aytaman. Muxlislarimiz bizning asosiy kuchimiz”, - deydi Davron Hoshimov
Oston O'runov
“Jamoadoshlarim bilan bir oila bo'lganimiz uchun “Lokomotiv”ni mag'lubiyatga uchratdik. Ushbu bahsda faqat g'alaba qozonish uchun maydonga tushgandik. Barcha futbolchilar o'ziga yuklatilgan vazifani ortig'i bilan bajardi. Qo'lga kiritilgan g'alabada muxlislarimizni hissasi katta. “Lokomotiv” jamoasining futbolchilari kuchli. Lekin Marat Bikmaev darvozamiz oldida ko'proq xavf tug'dirib turdi. Stadiondagi muhit alo darajada bo'ldi. Uchrashuvga tashrif buyurgan muxlislarimizning qo'llab-quvvatlab turgani biz uchun juda ham katta kuch bag'ishladi. Muxlislarimizga katta rahmat aytaman”, - deydi Oston O'runov
Bosh sahifaga
779