Timur Kapadze boshchiligidagi jamoa "Paxtakor" stadionida mashg'ulot o'tkazdi. Bugungi mashg'ulotlarda mahalliy klublarda o'ynayotgan 18 nafar futbolchi ishtirok etdi. SHuningdek 6 nafar legioner futbolchi ham Kasablankaga boradi.
Timur Kapadzega yordamchi murabbiy sifatida Andrey Fyodorov ko'maklashmoqda. SHuningdek, murabbiylar shtabida jismoniy tayyorgarlik bo'yicha mutaxassis Augustin CHirita hamda darvozabonlar murabbiyi Pyotr Gizimchuk ishlamoqda.
Mashg'ulotlar asosan tiklanish mashqlariga bag'ishlandi. CHunki terma jamoa ixtiyoriga etib kelgan futbolchilar kecha tur o'yinlarini o'tkazishgani bois, faqatgina engil tiklanish mashg'ulotlari bilan cheklanildi.
Dastlab barcha futbolchilarni yig'gan Timur Kapadze oldinda terma jamoani qanchalik muhim o'rtoqlik o'yinlari kutib turganini tushuntirdi va bo'lajak bahslarda raqib kim bo'lishidan qati nazar g'alaba uchun kurashishlarini malum qildi. SHuningdek, yangi bosh murabbiy futbolchilarga terma jamoa Marokash va Senegalga qarshi bahsda himoyaviy o'yin uslubidan foydalanmasliklarini alohida takidladi. Kapadze futbolchilarga futboldan rohatlanib, zavq olib o'ynash kerakligini tushuntirdi. Yangi bosh murabbiy naqadar masuliyatli ishga kirishganini va muxlislar ulardan yaxshi sifatli futbol kutishayotganini anglab turibdi. Kapadze shuningdek terma jamoada barcha futbolchilar o'z klublari haqida unutishlarini, bu erda bir oila bo'lib jipslashish lozimligini uqtirdi.
SHundan so'ng futbolchilar 15 daqiqa maydon bo'ylab yugurib, keyinchalik engil chigalyozdi mashqlarni bajarishdi. Bu borada futbolchilar bilan jismoniy tayyorgarlik bo'yicha murabbiy Augustin CHirita ishladi.
Qosimov Kasablankaga boradi, Berdiev va Arveladze esa yo'q
O'zbekiston terma jamoasining yangi bosh murabbiyi vazifasini bajarayotgan Timur Kapadze bilan MTJ murabbiylar kengashiga kiritilgan Mirjalol Qosimov Kasablankaga uchib ketadi. Murabbiylar kengashidan joy olgan Ro'ziqul Berdiev hamda SHota Arveladze esa bo'lajak o'yinlarga terma jamoa bilan birga bo'lishmaydi.
Jamoamiz 20 mart kuni tongda Istanbul shahriga uchib ketadi. Turkiyada bir kun bo'lib, keyinchalik Istanbuldan Marokashning Kasablanka shahriga uchiladi.
Eslatib o'tamiz, O'zbekiston terma jamoasi 23 mart kuni Senegal, 27 mart kuni Marokash terma jamoalari bilan o'rtoqlik uchrashuvi o'tkazadi.
Bosh sahifaga
147