O'zbekiston futbol associaciyasi 1-vice-prezidenti Umid Ahmadjonov yurtimizdagi barcha futbol muxlislarini mana shu bahor bayrami bilan muborakbod etadi.
“Bahor ayyomi yurtimizga tinchlik, xotirjamlik, qut-baraka olib kelsin! Yangi mavsumda barchamizga yangi g'alabalar doimo yor bo'lsin! Mamlakatimiz Prezidenti SHavkat Miromonovich Mirziyoev yurtimizda sportning, xususan, futbolning rivojiga katta etibor qaratib, bizni yangi g'alabalar sari undamoqdalar. Kuni kecha muhtaram Prezidentimiz tomonidan qabul qilingan “Futbolni rivojlantirish chora-tadbirlari to'g'risida”gi Qaror ushbu fikrimizga asos bo'ladi.
Mazkur qarorning ijrosini taminlash va futbolimizni yangi bosqichga olib chiqish uchun tunu kun mehnat qilib, oldimizda turgan muhim musobaqalarda muvaffaqiyatli ishtirok etgan holda, yurtimiz dovrug'ini olamga yoyishda barchamiz birgalikda harakat qilamiz!
Navro'z bayrami nishonlanayotgan shu kunlarda O'zbekiston milliy va olimpiya terma jamoasi ikkitadan o'rtoqlik o'yinlarida maydonga tushadi. Milliy termamiz safarda Senegal va Marokashga qarshi bahs olib borsa, Olimpiya terma jamoamiz vodiyda Keniyaga qarshi o'rtoqlik o'yinlari o'tkazadi.
Mana shu o'yinlarda vakillarimizga omad va g'alabalar yor bo'lsin!”, - dedi Umid Ahmadjonov.
Bosh sahifaga
2036