Ayniqsa, qaysi futbol ixlosmandi yaxshi ko'rgan klubining logotipi aks etgan soat taqishni xohlamaydi deysiz?! To'g'ri, klub futbolkasi va sharfi muxlislarning eng asosiy atributi hisoblanadi. Lekin, soatni ham unutmaslik lozim. CHunki, u nafaqat vaqtni eslatib turuvchi buyum, balki siz futbolga befarq emasligingizni ko'rsatib beruvchi aksessuar sifatida ham xizmat qiladi. Bugun etiboringizga futbol uslubidagi eng sara qo'l soatlarini taqdim etamiz.
Jacques Lemans
Avstriya kompaniyasi 1975 yilda tashkil topgan. “Jacques Lemans” 2009 yil dekabrda UEFAning rasman sherigiga aylandi. SHundan so'ng, u “UEFA CHempionlar Ligasi” nomi ostida mahsulot ishlab chiqarish huquqini qo'lga kiritdi va asosiy klub turniriga bag'ishlangan soatlar kollekciyasini chiqara boshladi. Siz bu brendga oid ham klassik, ham sport uslubidagi qo'l soatini topishingiz mumkin. “Jacques Lemans” CHempionlar Ligasidan tashqari, Evropa Ligasi bilan ham shartnoma imzolagan.
“Jacques Lemans”ning yana bir o'ziga xos xususiyati — u har yili CHempionlar Ligasi finali o'tkaziladigan shahar logotipi aks etgan soatlarni sotuvga chiqaradi. Masalan, “Real” muxlislari “Final Cardiff 2017” yoki “Final Milano 2016”; “Barselona” ixlosmandlari esa “Final Berlin 2015” logosi tasvirlangan soatlarni esdalik uchun xarid qilishlari mumkin.
Viceroy
Ispaniyaning “Viceroy” kompaniyasi aynan “Real” muxlislari uchun klub nomi bilan bir xil bo'lgan qo'l soatlarini ishlab chiqaradi. “Real Madrid” nomi ostidagi qo'l soatlarning deyarli barchasi sport uslubida yaratilgan. Kollekciyadagi boshqa soatlar esa har xil ranglardan iborat bo'lgan. Ammo, uning klassik uslubdagi qora, oq, qizil va ko'k ranglari ham bor.
Maurice Lacroix
“Maurice Lacroix” kompaniyasi 1975 yilda SHveycariyada tashkil topgan. U qimmatbaho brend bo'lib, kataloniyaliklarning rasmiy hamkori hisoblanadi. U “Barselona” muxlislari uchun bir nechta ajoyib qo'l soatlar kollekciyasini ishlab chiqargan. Soat “ko'k-anorrang”da bo'lib, uning orqa qismiga “Barsa”ning shiori (“Mes que un club”) yozib qo'yilgan. Mexanik soatning yana bir o'ziga xos xususiyati u suvda ham bemalol ishlay oladi.
TAG Heuer
SHveycariyaning yana bir qimmatbaho soat ishlab chiqaradigan “TAG Heuer” kompaniyasi 1860 yilda tashkil topgan. U Angliya Premer-Ligasining rasman birinchi hamkori hisoblanadi. Soat korpusi qora rangda bo'lgani uchun u chiroyli va qimmatbaho hisoblangan. Ushbu brend Premer-liga bilan hamkorlikdan tashqari, “Manchester Yunayted” klubining ham rasmiy xronometristi sanaladi.
“TAG Heuer” mankunianliklar logotipi bilan ikkita qo'l soati ishlab chiqargan. Uning birinchi modeli sport uslubida bo'lib, qora va qizil ranglardan iborat edi. Unda xronograf ko'rsatkich va sekund mili ham mavjudligi bilan boshqa soatlardan ajralib turgan.
MYU logotipi aks etgan ikkinchi soat esa har qanday uchlubdagi kiyimga mos ravishda yaratilgan. U qora, kulrang va qizil ranglar uyg'unligida ishlangan bo'lib, original ko'rinishdagi soat ekani bilan ajralib turadi.
CORUM
“Zenit” futbol klubi SHveycariyaning “Corum” kompaniyasi bilan shartnoma imzolaganidan so'ng, “CORUM Admiral's Cup FC Zenit” modelidagi qo'l soatini yaratgan. Uning korpusi qora va kulrang, soat mili va raqamlari esa oq, ko'k va havorangdan tashkil topgan. Soatning narxi juda qimmat bo'lgani uchun bor yo'g'i 40 dona ishlab chiqarilgan.
Hublot
SHveycariyaning “Hublot” kompaniyasi 1980 yilda tashkil topgan. U hozirgi kunda Evropaning “Bavariya”, “CHelsi”, PSJ, “Yuventus” va hattoki, “Benfika” futbol klublari bilan faoliyat yuritadi. “Hublot” dunyodani eng qimmat qo'l soatlari ishlab chiqaradigan kompaniyalardan biri hisoblanadi.
Sports.ru saytidan Nozima Zaripova tarjima qildi
Bosh sahifaga
240