Muxlislar esa ushbu bellashuvni intiqlik bilan kutmoqdalar.
Xalqaro darajadagi terma jamoamiz miqyosidagi uchrashuvning ilk bor Andijonda o'tkazilishi munosabati bilan qizg'in hozirlik ishlari olib borilyapti. Etiborlisi, O'zbekiston milliy olimpiya qo'mitasi raisi va O'zbekiston futbol associaciyasining 1-vice-prezidenti Umid Ahmadjonov hamda Andijon viloyati hokimi SHuhratbek Abdurahmonovning tashabbusi bilan muxlislarga Navro'z bayrami munosabati bilan hamda ularning madaniy hordiq chiqarishlarini taminlash maqsadida ularga munosib sovg'a sifatida stadionga kirish huquqini beruvchi chiptalarni bepul qilib belgilandi.
SHu bois 21 mart kuni «Sog'lom avlod» stadionida futbol ishqibozlariga bepul chiptalar tarqatildi. SHuningdek, «Sahovat uyi», «Mehribonlik uyi», kam taminlangan oilalar, viloyatdagi bolalar va o'smirlar sport maktablari hamda davlat idora va tashkilotlari, qolaversa, stadion tamirlanishida beminnat hissalarini qo'shgan bir qator muassasa xodimlariga bepul chiptalar taqdim etildi. Lekin hozirda chipta masalasi bilan bog'liq, yani chiptalarni pulga sotilayotgani haqida gap-so'zlar urchiy boshladi. Biroq bunday malumotlarga ishonmasligingizni so'rab qolamiz. Yuqorida takidlab o'tilganidek, uchrashuvga chiqarilgan chiptalar bepul tarqatilishi ko'zda tutilgan. Ertaga muxlislar uchun chinakam bayram tashkil etish maqsadida o'yin oldidan elimiz suygan sanatkorlar ishtirokida koncert dasturi o'tkazilishi rejalashtirilgan.
Hurmatli futbol ishqibozlari, ertaga qiziqarli va murosasiz kechishi kutilayotgan o'rtoqlik uchrashuviga barchangizni taklif etib qolamiz.
SHuhratbek Jo'raev
Bosh sahifaga
1198