Rossiyada o'tadigan Jahon chempionatiga yo'llanma olgan Senegal bu yildagi dastlabki o'yinni aynan O'zbekistonga qarshi o'tkazadi. Biz o'quvchilarimizga ushbu mamlakat terma jamoasi haqida malumot berishga qaror qildik.
1960 yil 4 aprel kuni Senegal mustaqil davlatga aylangan. Unga qadar mamlakat Franciya mustamlakasi edi. 1960 yilning o'zida Senegal Futbol Federaciyasi tuzilgan. 1961 yil 31 dekabr kuni terma jamoa o'zining birinchi tarixiy uchrashuvini Dahomey (hozirgi Benin) terma jamoasiga qarshi o'tkazgan. 1962 yilda Senegal FIFA azosiga aylangan. 1963 yilda esa Afrika Futbol Konfederaciyasiga qabul qilingan.
JCH-2018 saralashi haqida
Senegal terma jamoasi JCH-2018 saralashini 2015 yil Madagaskar bilan o'yinlar bilan boshlagan. Dastlabki ikki o'yin natijasiga 5:2 hisobida zafar quchgan Aliu Sisse jamoasi uchinchi bosqichga yo'l olgandi.
Guruh bosqichida Senegal Burkina-Faso, Kape Verde va JAR terma jamoalari bilan kuch sinashdi. Yakunda bo'lajak raqiblarimiz 4ta g'alaba va 2ta durang qayd etib 14 ochko bilan guruhda birinchi bo'lishdi. 2017 yilning 10 noyabr kuni JAR mag'lub etilgach Senegal terma jamoasi o'z tarixida ikkinchi bor Jahon chempionatiga yo'llanmani qo'lga kiritgandi.
JCH-2018 final bosqichida Sadio Mane jamoadoshlari "H" guruhida Yaponiya, Kolumbiya va Polsha bilan o'ynaydi.
2002 yil - Senegal yili
2002 yil Senegal terma jamoasi uchun tarixidagi eng yaxshi yil bo'lgan desak yanglishmagan bo'lamiz. 2013 yil vafot etgan Franciyalik Bruno Metsyu boshchiligidagi jamoa JCH-2002 saralashida Marokash, Misr, Jazoir va Namibiya kabi terma jamoalarni ortda qoldirib o'z tarixida ilk bor mundial yo'llanmasiga ega chiqqandi.
Yanvar oyida Mali mamlakatida o'tgan Afrika millatlar kubogi musobaqasida Senegal terma jamoasi finalga qadar barcha raqiblarni mag'lub etdi. Hal qiluvchi bahsda esa Kamerunga penaltilar seriyasida imkoniyat boy berilgandi. Qizig'i penaltilar seriyasida gol ura olmaganlar orasida hozirgi bosh murabbiy Aliu Sisse ham bor edi.
Yaponiya va Janubiy Koreyada o'tgan Jahon chempionatida Senegal terma jamoasi katta shov-shuv ko'tardi. Mundialning ochilish o'yinidayoq Metsyu jamoasi barchani o'ziga qarata oldi. Afrikaliklar amaldagi Jahon chempioni Franciya terma jamoasini mag'lub etib haqiqiy sensaciya namoyish etishdi. Daniya va Urugvay bilan o'yinlarda durang qayd etgan afrikalik sherlar keyingi bosqichga chiqishga erishgandi. Nimchorak finalda Senegal SHveciya terma jamoasi bilan to'qnash kelgandi. Asosiy vaqtda 1:1 hisobi qayd etilgan. Qo'shimcha vaqtda Anri Kamara tomonidan urilgan oltin gol Senegalni chorak finalga olib chiqqandi.
Ilk mundialdayoq Jahonning eng kuchli 8 mamlakati orasiga kirgan Senegal chorak finalda Turkiyaga qo'shimcha vaqtda oltin gol tufayli yutqazib qo'ygandi. Senegal terma jamoasini o'z mamlakatida qahramonlardek kutib olishgandi.
Qizig'i o'sha tarkibdagi 23 nafar futbolchining 21 nafari Franciya klublarida o'ynardi. Faqat ikki nafar zaxira posboni boshqa mamlakat klublaridan edi. Aliu Sisse o'sha mundialda terma jamoa sardori bo'lgan edi. 2002 yilgi Jahon chempionatida Senegal terma jamoasi sharafini himoya qilgan darvozabon Toni Silva, himoyachilar Omar Daf va Lamin Diatta ayni paytda Sissega murabbiylar shtabida yordam berishmoqda.
Bugungi kun
Ayni paytda Senegal terma jamoasi o'zagini Franciya va Angliya klublarida o'ynayotgan futbolchilar tashkil etadi. Terma jamoa sardori "Vest Xem" yarim himoyachisi SHeyku Kuyate hisoblanadi. Bugungi kunda Senegal terma jamoasi safida Sadio Mane ("Liverpul"), Idrissa Gueye ("Everton"), Mussa Sou ("Bursaspor"), Balde Keyta ("Monako"), Mam Biram Diuf ("Stok Siti") kabi yulduzlar to'p tepishadi.
Senegal Futbol Federaciyasi
Konfederaciya - CAF
Bosh murabbiy - Aliu Sisse
Sardor - SHeyku Kuyate
Eng ko'p o'yin o'tkazgan - Anri Kamara (99ta)
Eng ko'p gol urgan - Anri Kamara (29ta)
Uy stadioni - "Stade Léopold Sédar Senghor"
FIFA kodi - SEN
FIFA reytingidagi o'rni - 27 (2018 yil mart)
Eng yuqori o'rni - 23 (2017 yil noyabr)
Eng past o'rni - 99 (2013 yil iyun)
Birinchi rasmiy o'yini
1961 yil
Benin - Senegal 3:2
Eng yirik g'alabasi
2010 yil 9 oktyabr
Senegal - Mavrikiya 7:0
Eng yirik mag'lubiyati
1966 yil 2 noyabr
CHexoslovakiya - Senegal 11:0
Jahon chempionati
Ishtirok - 1 marta (2002)
Eng yaxshi natijasi - chorak final
Afrika millatlar kubogi
Ishtirok - 14 marta
Eng yaxshi natijasi - 2-o'rin (2002)
Bosh murabbiy - Aliu Sisse
Yordamchi murabbiy - Regis Bogaert (Franciya)
Yordamchi murabbiy - Omar Daf
Darvozabonlar murabbiyi - Toni Silva
Jamoa boshlig'i - Lamin Diatta
Sport direktori - Matar Ba
Matbuot kotibi - Kumba Fall
Texnik direktor - Mayasine Mar
SHifokor - Abdurahmon Fedior
Senegalning O'zbekiston (23 mart), Bosniya va Gercegovina (27 mart) bilan o'yinlar uchun futbolchilar ro'yxati: HAVOLA
Narzulla Saydullaev
Bosh sahifaga
2082
30 Aprel 2023, 09:00