"Real" futbolchisi O'zbekistonga qarshi o'yinda maydonga tushmasligi mumkin

Kecha Evre Renar boshchiligidagi Marokash Turinda mashg'ulot o'tkazayotgani haqida malumot bergan edik.

Xorij OAVning xabar berishicha, Marokashning Turindagi birinchi mashg'ulotida "Real" azosi hisoblangan yosh himoyachi Ashraf Hakimi jarohat olgan. Malumotlarga ko'ra, Hakimi bugun bo'lib o'tadigan Serbiyaga qarshi o'yinni o'tkazib yuboradi.

"Ashraf Hakimi milliy terma jamoaning birinchi kun mashg'ulotida jarohat oldi", - deb aytib o'tdi terma jamoa shifokori Abderrazoq Xifti mashg'ulotdan tayyorlangan videolavhada.

"Hozircha vaziyatga aniq baho berib bo'lmaydi. Lekin, "Real" klubi futbolchining Madridga qaytishini talab qilmoqda", - deb qo'shimcha qildi Xifti.

Marokashning kechagi mashg'ulotida Ashraf Hakimi alohida, yakka holda to'p bilan ishladi.