Karlush Keyrush: "Jahon chempionatigacha to'liq tayyor bo'lamiz"

- "Biz hozir ham yaxshi holatdamiz. Futbolchilar orasida tajribalilari ko'p. Qolaversa, aksar o'yinchilar Evropada o'ynashyapti. Jahon chempionatiga to'liq tayyor bo'lamiz deb o'ylayman".

- "Barcha murabbiylar qatori men ham yanada ko'prog'ini xohlayman. Rossiyadagi mundialda Eron bor imkoniyatini ishga soladi. May oyida Turkiya, Greciya va Litvaga qarshi o'rtoqlik uchrashuvlari o'tkazamiz. Bu o'yinlar biz uchun muhim ahamiyatga ega bo'ladi".

To'rt yil oldin Braziliyada kechgan jahon chempionatida Eron guruhdan chiqa olmagandi. O'shanda jamoa Nigeriya bilan 0:0 o'ynab, Argentinaga 0:1 hamda Bosniya va Gercegovinaga 1:3 hisobida mag'lub bo'lgandi.

- "Biz Braziliyadagi mundialdan ko'p narsa o'rgandik. Jahon chempionatida yaxshi qatnashish uchun tayyorgarlik ham shunga yarasha zo'r bo'lishi kerak ekan. Bu yil yana qiyin guruhdan joy olganmiz. Guruh bahslarini Ispaniya, Portugaliya va Marokashga qarshi o'tkazamiz. O'ylaymanki, bu jamoalar bilan bemalol o'ynay olamiz", - deya fikr bildirdi 65 yoshli mutaxassis.