SHu jumladan, O'zbekiston milliy terma jamoasi Marokashning Kasablanka shahrida Senegal terma jamoasi bilan o'rtoqlik o'yini o'tkazadi. Aslida ushbu bellashuv Toshkent vaqti bilan 23:00da boshlanishi elon qilingan edi. Har holda bugungacha shunday edi. Ammo, olgan so'nggi malumotlarimizga ko'ra, Senegal - O'zbekiston uchrashuvi hozircha bizga malum bo'lmagan sabablar tufayli 21:30 (mahalliy vaqt bilan - 16:30)ga ko'chirilgan. Demak, O'zbekiston milliy terma jamoasining bugungi o'yinini Toshkent vaqti bilan 21:30dan boshlab kuzatib borishimiz mumkin bo'ladi.
O'z navbatida, bu o'zgarish Sport telekanali teledasturlarida muammo keltirib chiqarishi turgan gap. Sababi, 20:00da O'zbekiston va Keniya olimpiya terma jamoalari Andijondagi "Sog'lom avlod" stadionida o'zaro o'rtoqlik uchrashuvi o'tkazishadi. Sport TV ana shu bahsni ham to'g'ridan-to'g'ri efirda namoyish etilishi malum qilingan edi. Endi esa milliy terma jamoamiz ishtirokidagi o'yin OTJmiz uchrashuvi tugab ulgurmasdan boshlanib ketadi.
Bosh sahifaga
668