Ibra uchun bunday yakun bo'lmasligi kerak edi. Biroq u Evropani misli sher kabi tark etdi.
Kecha "Manchester Yunayted" Zlatan bilan tuzilgan shartnoma rasman bekor qilinganligini elon qildi. Bu ko'pchilik futbol muxlislari uchun qandaydir syurpriz xabardek tuyuldi. Albatta, noyabr oyida jiddiy jarohat olib, futbol o'ynashiga jiddiy qarshilik qilayotgan futbolchi top-jamoaga kerak emas.
Uning "Yunayted"dagi faoliyati yuqori darajada boshlangandi. Hattoki bir vaqtlar u o'sha paytlarni eng baxtli onlar deb aytgandi. U jamoaning asosiy hujumchisi edi, raqib himoyachilariga har tomonlama bosim o'tkazardi. U debyutidayoq gol urdi va jamoasining Angliya Superkubogidagi g'alabasiga katta hissa qo'shdi. Oradan bir hafta o'tib, Angliya Premer-ligasidagi ilk bahsida ham raqib darvozasini ishg'ol etdi. Bu faqatgina boshlanishi edi.
U "Old Trafford"dagi ilk mavsumida 28 gol kiritdi, shuningdek, "Sautgempton"ga qarshi bahsda ham dubl qayd etib, Angliya liga kubogi g'olibligiga erishdi. Jamoa muxlislari uning ismini baralla baqirishdan charchashmas edi. MYU yaxshi o'ynay olmayotgan vaqtida ham Zlatanning bir o'zi jamoani oldinga boshlardi.
O'yinlariga qarab, u 35 yoshga kirgan futbolchiga o'xshamasdi, "Yunayted"ning har bir uchrashuvida natijaga tasir etardi. Biroq, birgina jarohat uning o'yin sifatiga katta tasir o'tkazdi. U Evropa ligasi chorak finali doirasida "Anderlext"ga qarshi uchrashuvda tizzasidan jiddiy jarohatlandi.
Uning tiklanishi uchun ko'p vaqt kerak bo'ldi, 7 oydan keyin yana safga qaytdi. Biroq har doimgidek u o'zini sher deb bilar, xuddi yoshgina Zlatanga o'xshardi.
Ibragimovich so'nggi 13 mavsumning 12ta sovringa ega chiqdi. Gollandiya, Ispaniya, Italiya va Franciyada uning o'yinlariga tan berishdi, 6 jamoada to'p surdi. Albatta, 12 sovrin unga g'oliblik ruhini singdirdi. Bu esa uni yana katta futbolga qaytishiga zamin yaratdi.
So'nggi 10 yilda u har bir mavsumda 20tadan ko'proq gol urdi, "Inter", "Barselona", "Milan", PSJ va "Yunayted", shuningdek, SHveciya termasining rekordini yangiladi. U juda mag'rur, dimog'dor bo'lsa ham, o'z ishining ustasi. Zamonaviy futbolda etishmayotgan personajlarni Zlatan chiroyli qilib to'ldirib bera oladi.
Ko'pchilik uning "Barselona"dagi qisqagina faoliyatini yaxshi xotiralar bilan eslashmaydi. Uning o'zi ham ushbu jamoadan ketganligidan afsuslanmagan. Keyinroq Pep Gvardiolaning muxlisi bo'lmaganligini va ko'p bora kataloniyalik murabbiy bilan ishlagisi kelmasligini aytib o'tgandi.
Zlatan Evropa chempionlar ligasi sovrinini boshi uzra baland ko'tarmagan bo'lsa-da, 33 marta sovrinlarga ega chiqqan, shulardan 13tasi Liga g'olibligidir.
U baribir odam qiyofasidagi sher kabi bo'lib qoladi. Zlatanning o'zi aytganidek, u qarimaydi. U “Manchester Yunayted” bilan hayrlashdi. "Los Anjeles Gelaksi" bilan imzolanadigan yangi shartnoma esa yangi eraning debochasidir.
Mirjalol Normatov tarjima qildi
Bosh sahifaga
162