Ravshan Haydarov: "Andijondagi stadionda ajoyib muhit hukmronlik qildi"

"Keniya bilan o'z kuchimizni sinovdan o'tkazib olish uchun o'rtoqlik uchrashuvi tashkil etdik. Ko'rdik, raqib juda baquvvat futbolchilarga ega bo'lgan jamoa. Muxlislarni xursand qilishga urindik, ammo yaratilgan vaziyatlardan foydalana olmadik. Himoyadagi pala-partishlik ikkita gol o'tkazib yuborishga olib kedi.

Bu tarkib endi shakllanmoqda. CHunki asosiy futbolchilarimiz milliy terma jamoaga chaqiruv olishgan. Ularning yo'qligi bilindi, bu bahona bo'la olmaydi.

Bugungi mag'lubiyat uchun muxlislardan uzr so'rayman.

Yig'inga chaqirilgan barcha futbolchilarni sinab ko'rishimiz lozim. SHu bois ikkinchi o'yinga kim yaxshi tayyor bo'lsa o'sha futbolchilarni maydonga tushiramiz.

Bugun stadionda ajoyib muhit hukmronlik qildi. Yutqazgan bo'lsak ham muxlislar qiziqarli o'yin guvohi bo'lishdi deb o'ylayman. Yurtimizda Afrika terma jamoalarini ko'rmagandik. SHunday raqib bilan o'yin tashkil etib bergani uchun O'FA rahbariyatiga minnatdorchilik bildiraman. O'ylaymanki ikkinchi o'yinda maksimal foyda olamiz", - deydi Ravshan Haydarov.