"Paxtakor" azolari xalqaro o'yinlarda ishtirok etishdi

Hujumchi Ismoil Gonsalvesh Gvineya-Bissau terma jamoasi safida debyutini Burkina-Faso termasiga qarshi Franciyada o'tkazdi. O'yin 2:0 hisobida Burkina-Faso g'alabasi bilan yakunlandi. Gonsalvesh uchrashuvda 70 daqiqa o'ynadi.

Himoyachi Marko Simich esa CHernogoriyaning Kiprga qarshi 0:0 hisobida tugagan safardagi uchrashuvida zaxirada qoldirildi.  U AGMK bilan bellashuvda kichik jarohat olgandi.

O'zbekiston milliy terma jamoasi safida Akmal SHorahmedov va Jaloliddin Masharipov Senegal bilan Marokashda 1:1 hisobida yakunlangan o'yinda maydonga tushirildi. Jasur Yaxshiboev, SHerzod Azamov va Eldor Suyunov mazkur bellashuvda zaxirada qoldirildi.

Hojiakbar Alijonov O'zbekiston olimpiya terma jamoasi tarkibida Keniyaga qarshi kechgan uchrashuvda harakat qildi. Andijondagi bellashuv 2:1 hisobida keniyaliklar foydasiga hal bo'ldi.

"Paxtakor" futbolchilari maydonga tushishi mumkin bo'lgan navbatdagi uchrashuvlar:

26 mart
O'zbekiston (olimpiya) - Keniya
Gvineya-Bissau - Kongo-Brazzavil
27 mart
Marokash - O'zbekiston
CHernogoriya - Turkiya