Kecha "Manchester Yunayted"ni Zlatan Ibragimovich tark etdi. Albatta, shunday darajadagi futbolchining jiddiy jarohat olib, "qizil iblislar"ning asosiy tarkibidan tushib ketgani achinarli holat. Balkim uning orqasidan "Yunayted"dan yana bir necha futbolchilar ketar...
Viktor Lindelyof
Yozda "Benfika" ushbu himoyachining transferidan 35 mln evro ishlab olgandi, shuningdek, yana 10 "limon" bonus tariqasida vada qilingandi. Lindelyof "Xaddersfild"ga qarshi juda yomon o'yin o'tkazdi va shu boisdan o'ziga bildirilgan ishonchni yo'qotdi. Uning o'rnida endi Kris Smolling o'ynamoqda. Viktor "WhoScored" nashri talqiniga ko'ra, "Manchester Yunayted"ning eng yomon futbolchilaridan biri. Agarda u jamoadan ketadigan bo'lsa, "Yunayted" undan foyda ko'rmasligi aniq.
Kris Smolling
2018 yil kelgan bo'lsa ham Smolling"Yunayted"ning asosiy tarkibida o'ynamoqda. Biroq uning o'yinlari MYU muxlislariga yoqmayapti. Har holda ijtimoiy tarmoqlarda muxlislarning fikri shunday bo'lmoqda. Smolling statistikaga ko'ra, Bayidan ko'ra yaxshiroq natijalar qayd etmoqda.
Biroq boshqa bir savol bor. 28 yoshli futbolchi Angliya Premer-ligasi darajasidagi futbolchi, Evropa chempionlar ligasida esa o'zini ko'rsata olmayapti. Angliya terma jamoasi bosh murabbiyi Garet Sautgeyt ham Smollingni ko'p bora tanqid qildi.
"Krisni termaga chaqirmayotganligim sababi - u birinchi paslarni bera olmayapti. SHuningdek, himoyada ham oldingidek o'ynamayapti".
Deyli Blind
Gollandiyalik futbolchi 2014 yildan buyon MYU futbolchisi. Blind hali biror marta o'yinlarda etakchilikni qo'liga olgani yoki muhim futbolchi bo'lgani ko'zga tashlanmadi. "Yunayted" murabbiylari uni turli hil poziciyalarda o'ynatib ko'rishdi. U - universal futbolchi. Biroq hali biror poziciyada muqim o'ynab keta olmayapti. Markaziy himoyada u havodagi kurashlarda mag'lub bo'lmoqda. Yarim himoyada esa o'yinni sekinlashtirmoqda. Qanotlarda esa tezlik past. U hozirda "Yunayted" uchun umuman kerak emas. Uning shartnomasi ushbu mavsum yakuniga qadar davom etadi. Aniqki, tomonlar kelishuvni uzaytirishmaydi.
Matteo Darmian
Yana bir universal futbolchi. U ham o'ng, ham chap qanot himoyasida to'p sura oladi. Albatta, Eshli Yang va Antonio Valensiyadan kuchli emas. Darmian MYUga katta maqsadlar va mo'maygina mablag' evaziga transfer qilingan. Ikki mavsum davomida uning o'yinlariga katta ishonch berilmadi. O'tgan yili esa Mourino uning o'yinlariga ko'p ham ehtiyoj sezmadi.
Darmianning boshqa jamoaga o'tishi vaqti keldi. Unga "Yuventus" va "Napoli" tomonidan jiddiy qiziqishlar bo'lmoqda. Bu jamoalar esa italiyalik uchun juda mos.
Ander Errera
Ispaniyalik futbolchi MYUda to'rtinchi mavsumini o'tkazmoqda. Faqatgina o'tgan mavsumda u o'zining eng yaxshi jihatlarini ochib bera olgandi. Hattoki himoyada ham o'ynab, jamoaning qo'lga kiritgan ochkolarida katta hissa qo'shgandi. U Kerrik va Pogba bilan hujum uchligini ham hosil qilgandi. Biroq bu mavsumda u raqobatda mag'lub bo'lmoqda va o'yinlardan chetda qolmoqda.
Mish-mishlarga ko'ra, u "Atletik"ka qaytadi. U erda jamoaning asosiy yulduzi bo'la oladi.
Lyuk SHou
Mourino bu mavsumda SHoudan Eshli Yangni afzal ko'rmoqda. Jamoaning faxriy futbolchisi yoshgina Lyukdan anchagina yaxshi jismoniy holatda. Biroq Lyukni ham to'g'ri tushunish kerak. U og'ir jarohatdan keyin oldingi jismoniy holatini yo'qotgan. Mourino va SHou o'rtasidagi munosabat ham yaxshi emas.
Lyuk 22 yoshda, iqtidorli himoyachi, bo'yi va gavdasi alo darajada. U Jozega yaxshi futbolchi ekanligini isbotlaguncha vaqt o'tib ketadi. SHu boisdan u o'z kuchini boshqa jamoada ko'rsatgani maqul, bo'lmasam futbol yaxshigina iqtidor egasidan ajralib qolishi mumkin.
Maruan Fellayni
Fellaynining holati Smollingnikiga o'xshash. Bir tomondan olib qarasak, Maruanning natijalari yaxshi, ammo juda kam o'yinlarda maydonga tushmoqda. U 30 yoshga kirdi, balki "Yunayted"ga katta foydasi tegmas. Uning shartnomasi shu mavsumda o'z yakuniga etadi. Futbolchining o'zi ham kelishuvni uzaytirishni istamayapti.
Mourino biror marta ham Fellaynini muhim poziciyalarda o'ynatmayapti. Joze uni asosan himoyaga asoslangan taktikalarda ishlatmoqda.
Maruan havodagi kurashlarda umuman engilmaydi, standartlarda uning foydasi juda katta. Ammo, bu jabhada uning jamoaga yordam tegmayapti. Balki u "Roma"da asosiy tarkib futbolchisiga aylanar...
Antoni Marsyal
Franciyalik yarim himoyachi "Yunayted"da yaxshi mavsumni o'tkazmoqda. U bu mavsum APLda 9 gol urib, 5 marta assistentlik qildi. Biroq Aleksis Sanchesning transferidan keyin uning o'yinga tushishi kamayib ketdi. U Markus Reshford bilan almashib o'yinlarda o'ynayotgandi.
Biroq hozirda holat Marsyalning foydasiga ishlamayapti. Sanches - jamoada eng ko'p maosh oladigan futbolchi. Demak u maydonga tushishi kerak. Agarda shu ketish bo'lsa, Marsyal zaxirada o'tirib qoladi va jamoaning o'yinlariga tasir o'tkaza olmaydi. U bunday iqtidori bilan bemalol boshqa jamoalarda ham o'ynay oladi.
Mirjalol Normatov tarjimasi
Bosh sahifaga
227
