Gari Nevill: “Tahlilchi taraflama tayinlanishimga shubha qilgan bo'lardim”

U murabbiylik qilish uchun o'ziga televidenie tomonidan yiliga taklif etilgan 5 million funt miqdorida maoshni rad etdi. U yangi jamoasi haqida o'z fikrlarini bildirib o'tdi.

“VALENSIYA” HAQIDA

“Valensiya” – tarixi va sovrinlari bilan mashhur klub, shu sababli unga doimo katta umid bildiriladi. Biz taslim bo'lmoqchi emasmiz va klub o'zi arziydigan holatga uni qaytarishga harakat qilamiz. Menga “Mestalya”da o'ynash nasib qilgan, stadion muhitini juda yaxshi eslayman. Bu erda mehmon jamoaga o'ynash hamisha qiyin. Endi bu bizning qo'limizda. Bu erda ajoyib va shu bilan birga juda talabchan ishqibozlar bor.

YORDAMCHILARI

Futbol – ayni paytdagi holat, kelajakdagi emas. Hozir nimaga egaliging muhim. Angliyadan yordamchilar guruhini taklif etmayman. SHtabimda ukam Fil, fizioterapevt Jordi Sorli, darvozabonlar murabbiyi Xose Manuel Ochotorena va tarjimon Devid le Myol ishlaydi. Yordamchim esa “Valensiya” afsonasi Migel Anxel Angulo bo'ladi.

BOSHQA KLUBLARDAN TAKLIFLAR

Oxirgi ikki yilda men boshqa klublardan takliflar oldim, lekin o'shanda bu to'g'ri keladigan vaziyat emasdi. Nimani xohlayotganimni o'qib, tushunib olishim lozim edi. Lekin yordamingga shunday katta tarixga ega klub murojaat qilsa, buni shunchaki rad qila olmaysan. Uzoq vaqt tahlilchi bo'lib ishladim va hozir imkoniyatlarimni ko'rsatadigan payt etib keldi.

TIL BO'YICHA TO'SIQ

Yaqin vaqt ichida Valensiyaga oilamni ko'chirib kelaman. Xotinim va ikki qizimni olib kelib, mahalliy madaniyatga butunlay g'arq bo'laman. Yangi til – men uchun eng jiddiy chaqiruvlardan biri. Tonggi 6da turib, Paternadagi bazada men bilan shug'ullanadigan o'qituvchi zarur. Bu jiddiy ish. Fil ispanchani o'rganishda o'sishga erishdi. Men ham buni u kabi tez amalga oshirishni istayman. Ko'plab xodimlarning ingliz tilida gapira olishi xursand qilmoqda. Bu menga muloqot qilishda yordam beradi.

FIL TO'G'RISIDA

Fil bilan aka-uka bo'lganim va bir jamoada o'ynaganim, endi “Valensiya”da birga ishlashimda muammo ko'rmayman. O'rtamizda professional mutaxassislar orasida bo'lgani singari munosabat bo'ladi. U futbolchilar va mashg'ulot jarayoni haqida malumot beradi. Fil menga yangi joyga tezroq moslashish o'ta muhim ekanligini yaxshi tushunadi.

YANGI FUTBOLCHILAR VA MURABBIYLAR SHTABI

Paternaga bir necha marta borib, futbolchi va shtab bilan uchrashdim. Ular bilan birga ishlashni xohlashim va birgalikda jamoa bilan muvaffaqiyatga erishish uchun bor kuchimizni ishga solishimizni takidladim. Ulardan maslahatlar, takliflar yoki tanbehlar eshitishdan doimo xursand bo'laman.

TARKIB

Fil jamoaga sodiq futbolchilar borligi va ularning har biriga ishonish mumkinligini takidladi. Ular juda iqtidorli ekani, lekin men uchun muhimi jamoa mehnatkash hamda kunu-tun mashq qilishga tayyorligini aytdi.

SHUBHALAR

Nevill-tahlilchi ham bunday tayinlanuvga shubha bildirgan bo'lardi: tajribasiz sharhlovchi boshqa mamlakatga kelyapti va o'zini jiddiy klubning murabbiyi sifatida sinab ko'radi. Oddiy muxlis o'rnida meni qaror to'g'ri ekaniga ishontirishlariga to'g'ri kelardi.

ANGLIYA HAQIDA

“Valensiya”ni xafa qilib, xuddi “Manchester Yunayted” singari o'ynaymiz deyishni xohlamayman. Jamoa o'yin uslubi har bir uchrashuvda raqibga qarab o'zgarib turadi, lekin muxlislar hujumkor futbol ko'rishni istashadi.

Xojson menga katta yordam berdi. Terma jamoa martda ikki o'yin o'tkazadi. SHu sababli 95 foiz etiborimni “Valensiya”ga qarataman. Hozir ushbu klub men uchun birinchi masala.

Ispaniyada ishlab, muvaffaqiyatga erishgan murabbiylar ko'p emas: Bobbi Robson, Terri Veneybls. Endi “Valensiya” bilan buni bajarishga urinib ko'raman.

Tayinlanishimdan avval Aleks Fergyuson bilan suhbatlashmadim, lekin bir necha kun oldin qo'ng'iroqlashdik va u menga kelajakda asqotadigan maslahatlar berdi. Murabbiylikda katta tajribaga ega bunday insonlarni tinglamaslik men tomondan qilingan axmoqlik bo'ladi.

PITER LIM

Lim bilan munosabatimga kelsak, murabbiyni tayinlashda qandaydir sirli jihat yo'q: eng tajribali mutaxassislar ham adashadi. Har bir murabbiy yangi klubida birinchi kunini o'tkazadi. Hamisha murabbiy o'z imkoniyatini ko'rsatishi kerak deb hisoblaganman. U buni amalga oshirmaguncha, odamlarning shubhalanishga haqqi bor. Mening vazifam – ularni ishontirish.

TRANSFERLAR

Hozircha ehtimoliy kelishuvlar haqida gapirmaymiz. Murabbiyning boshqa klub o'yinchilari to'g'risida gapirishi yoqmaydi. Futbolchilarimga 100 foiz ishonaman. Ular klub libosini faxr bilan kiyishlariga ishonaman. Har biriga ishonaman va ulardan o'zlarini ko'rsatish uchun imkoniyat bo'ladi. Tarkibda yosh futbolchilar ko'p, ular vaqtiga ega bo'lishi darkor. Har bir qaror uzoq loyiha uchun mo'ljallanadi. “Valensiya”ning ko'p o'yinlarini ko'rdim va bazi o'yinchilarda kuchiga ishonchsizlik sezildi. Qo'l ostimda barchada hammasini yangidan boshlash imkoni bo'ladi.

Behzod Nazarov tayyorladi.