Uzoq vaqtdan beri “Manchester Yunayted” va Londonning “CHelsi” kiperlari David De Xea va Tibo Kurtuani qayta-qayta Madridga ko'chib o'tishi haqida aytildi, ammo... Ular hamon o'z klublari safida va “qaymoqranglilar” tarkibini “Roma”ning birinchi raqamli posboni Alisson Beker bilan kuchaytirishi haqiqatga yaqinroqdek ko'rinmoqda.
Qanchalik harakat qilmasin Keylor Navas muxlislar va klubdagilar ishonchiga kira olmadi. Omadli o'yinlardan so'ng maqtaganlar ham, birinchi omadsiz o'yin o'tishi bilanoq yana “eski mavzuni” qo'zg'ay boshlamoqda. De Xea transferi amalga oshishiga bir qadam qolganda, texnika pand berdimi, yo yana bir nima, xullas, kiper hamon tumanli albionda. Bilbaoning “Atletik” klubi posboni Kepa Arrisabalaga sotib olinishini esa bosh murabbiy Zinedin Zidan xohlamadi.
Moddiy tomonlama ham Alisson varianti Kurtua yoki De Xeadan maqulroqdek.
Ikkilanib turganlarning umidini yaqinla o'z intervyusi bilan “Qizil iblislar” ustozi Joze Mourinyu butkul uzib qo'ya qoldi. Tibo Kurtua esa ochiqchasiga kamida keyingi mavsumda ham “CHelsi" tarkibida qolishini aytib o'tdi.
Inglizlardan darvozabonlarini olib qo'yish 100 milliondan arzonga tushmasligi aniq. Rimliklarni esa “boriga-baraka” deb, 50-60 mln evroga ko'ndirib yuborsa bo'ladi chog'i.
Etiborlisi, bu transferdan har ikki klub foyda ko'radi. “Real Madrid” kuchli darvozabonga ega bo'lsa, “Romy” 2016 yil “Internasonal”dan 7,5 mln evroga olgan darvozabonini 8-9 barobar qimmatga sotib yuboradi.
Nozima Zaripova tarjima qildi
Bosh sahifaga
232
