- Yangi formatdagi PRO-liga va Kubok bahslariga qura tashlash marosimida ishtirok etdingiz. Bu haqda qanday fikrdasiz?
- Kubokning yangi formati haqida nima deyishim mumkin? Bu Superliganing o'rtamiyona klublari va PRO-liga jamoalari uchun ayni muddao bo'ldi. Sababi futbolda omad juda katta o'rin tutadi. Mana qurani ko'rdingiz PRO-liga klublari bir-birlari bilan tushishdi. Agar omadingiz kelsa xatto finalga qadar grand klub bilan to'qnash kelmasingiz mumkin. SHunday ekan yangi formatdagi kubok shaxsan menga yoqdi.
- Jamoada rasman bosh murabbiy kim?
- "Neftchi" bosh murabbiyi - Sergey Kovshov. Uni PFLdan bosh murabbiy deb ro'yxatdan o'tkazganmiz. Unda A licenziyasi bor. Ammo ushbu licenziya 4 yilga beriladi. Ushbu muddatdan so'ng barcha murabbiylar uni uzaytirishi lozim. Bu muddat yakuniga etdi. Bori shu. Ayni paytda Bahrom Haydarov "Neftchi" bosh murabbiyi vazifasini bajarmoqda. Yaqin orada Sergey Kovshov A licenziyasini uzaytiradi va barchasi joyiga tushadi. Kovshov mashg'ulotlarda ishlamoqda, jamoani tayyorlamoqda. Faqat o'yinlar vaqtida u qaydnomadan o'rin olmayapti.
- Hujumchi Murod Bobojonov qachon maydonga tushadi?
- Murod Bobojonov masalasiga kelsak uni 20 fevral kuni "Lokomotiv" klubidan qaytarib oldik. Ammo safimizga jarohati bilan keldi. Mana bir oydan ortiq muddat biz bilan bo'lib turibdi, ammo hozirga qadar umumiy guruhda mashg'ulotda ishtirok etmadi. SHu bois ham PFL tomonidan o'tkazilgan normativlarda qatnashmadi. Jarohatini davolab bo'lgach bu normativlardan o'tishiga ishonaman.
Narzulla Saydullaev
Bosh sahifaga
178