Ushbu turda Jizzaxning “So'g'diyona” jamoasi o'z uyida Navoiyning “Qizilqum” jamoasini qabul qiladi. Ayni dam ikki jamoa ham turnir jadvalining quyi pog'onasida bormoqda. Ikkala jamoa uchun ham bugungi uchrashuvdagi g'alaba suv va havodek zarur. “Qizilqum” jizzaxliklardan bor yo'g'i 1 ochkoga ortda bormoqda. “So'g'diyona” o'tgan uchta turning ikkitasida mag'lubiyatga uchragan va “Neftchi” bilan bo'lgan uchrashuvda nursiz durang qayd etib 1 ochko bilan cheklandi. Bugun “So'g'diyona” o'z uyida Navoiyning “Qizilqum” jamoasini sinovdan o'tkazadi. Ushbu bahsda jizzaxliklar g'alaba qozona oladimi, buni uchrashuv yakunlanganidan so'ng bilib olamiz. Navoiyning “Qizilqum” jamoasi 3ta turdan beri g'alaba qozona olmayapti. Bundan avvalgi turda navoiyliklar o'z uyida Qarshining “Nasaf” jamoasiga mag'lub bo'ldi. “Qizilqum” jamoasi bugun g'alaba qozona olmasa, jamoaning ahvoli biroz og'irlashadi. Endi ikkala jamoaning o'tkazgan o'zaro o'yinlari bilan tanishtirib o'taman.
O'ZARO O'YINLAR
2000 yil
1 iyun. “So'g'diyona” — “Qizilqum” — 2:0
17 avgust. “Qizilqum” — “So'g'diyona” — 3:1
2001 yil
18 aprel. “Qizilqum” - “So'g'diyona” — 1:0
1 oktyabr. “So'g'diyona” — “Qizilqum” — 1:0
2002 yil
22 iyun. “So'g'diyona” — “Qizilqum” — 1:2
10 avgust. “Qizilqum” — “So'g'diyona” — 2:1
2004 yil
3 may. “So'g'diyona” — “Qizilqum” — 2:0
25 sentyabr. “Qizilqum” - “So'g'diyona” - 1:1
2005 yil
12 iyun. “So'g'diyona” — “Qizilqum” — 0:0
11 sentyabr. “Qizilqum”-“So'g'diyona” — 0:0
2006 yil
13 may. “Qizilqum” — “So'g'diyona” — 2:1
29 avgust. “So'g'diyona” — “Qizilqum” — 0:2
2008 yil
10 may. “So'g'diyona” — “Qizilqum” — 2:0
27 sentyabr. “Qizilqum”-“So'g'diyona” — 1:0
2009 yil
20 iyun. “Qizilqum” — “So'g'diyona” — 3:0
19 avgust. “So'g'diyona” — “Qizilqum” — 0:1
2011 yil
19 mart. “So'g'diyona” — “Qizilqum” — 0:2
22 oktyabr. “Qizilqum”- “So'g'diyona” — 0:0
2013 yil
20 iyun. “Qizilqum” — “So'g'diyona” — 3:1
17 avgust. “So'g'diyona” - “Qizilqum” — 2:1.
2014 yil
21 iyun. “Qizilqum”- “So'g'diyona” — 1:0
7 noyabr. “So'g'diyona” - “Qizilqum” — 1:0.
2015 yil
14 mart. “Qizilqum”- “So'g'diyona” — 4:1
2 avgust. “So'g'diyona” - “Qizilqum” — 4:1
2016 yil
1 iyul. “So'g'diyona” - “Qizilqum” — 1:1
22 noyabr. “Qizilqum”- “So'g'diyona” 3:1
2017 yil
15 aprel. “Qizilqum” – “So'g'diyona” 1:1
16 sentyabr. “So'g'diyona” – “Qizilqum” 1:1
“So'g'diyona” va “Qizilqum” jamoalari o'zaro 28 marotaba to'qnash kelishgan. SHulardan 7ta uchrashuvda jizzaxliklar g'alaba qozongan bo'lsa, 14ta o'yinda “Qizilqum” jamoasining qo'li baland kelgan. Qolgan 6 uchrashuvda tomonlar murosa yo'lini tanlashgan. Bugun bo'lib o'tadigan bahsda ikkala jamoa ham faqat g'alaba qozonish uchun maydonga chiqishi aniq. SHuning uchun ham jamoalarga bugungi o'yin qiyin kechishi aniq. Biz ikkala jamoaning bugungi o'yindan oldin imkoniyatlarini hisoblab chiqamiz. “So'g'diyona” superliga bahslarining uchta o'yinida raqiblar darvozasini umuman ishg'ol qilmagan. O'z darvozasidan esa 5ta to'p olib chiqqan. “Qizilqum” jamoasi esa o'tgan 3ta turda raqiblar darvozasini 1 marotaba ishg'ol qilgan va 7 marotaba o'z darvozasidan to'p olib chiqqan. Bundan ko'rinib turibdiki, ikkala jamoaning ham imkoniyatlari deyarli teng.
30/40/30
Bosh sahifaga
212
