U juda ko'p xalqqa ko'rinish beradi, Instagramga juda ko'p rasmlar qo'yadi. Reklamalarda juda ko'p o'zini ko'z-ko'z qiladi. Biroq u sochi uchun juda ko'p pul va vaqt ketkazadi. Xo'sh, nima uchun shunday,
Hammasi oddiy: yigitcha o'z imiji va tashqi ko'rinishiga qattiq etibor beradi. O'tgan yili bir jurnalda "Pogbaning 2017 yildagi eng yaxshi soch turmaklari" nomli rasmlar kollekciyasi taqdim etilgandi. "The Sun" uning boshidagi turmakni har doim tanqid qiladi, "Quara" foydalanuvchilariga esa franciyalikning turmaklari juda yoqadi.
MYUning eng qimmat futbolchisi futbolning sartaroshligini yangi darajaga olib chiqdi. Agarda uning sochini Devid Bekxemniki bilan solishtirsak, Pogbaning sochi ajralib turadi. Bekxem har doim oddiyroq uslubni tanlardi.
Birinchidan, Pogbaning sochlari juda mustahkam va sog'lom. Soch bemalol barcha uslublarga mos tushadi, shuningdek, rassomchilik ishlarida ham, umuman olganda barcha dizaynli sartaroshlik namunalarini sinovdan o'tkazish uchun juda qulay.
Polga bo'lgan mashhur etiroz shunday bo'lgandi: "U futbol emas, soch haqida o'ylaydi". Bu bemanilik - reklamada u g'ururini cheksiz qilib ko'rsatadi, hattoki, reklamalar uchun juda ko'p vaqt sarflaydi. Undan tashqari, sartarosh uchun ham juda katta mablag' to'laydi va deyarli har haftada imijini o'zgartiradi. Albatta, tanaga tatuirovka chizdirgandan sochga rang berish biroz osonroq.
Aytganday, uning sochini Ahmad al-Sanavi ismli sartarosh turmaklaydi. U o'z kasbi bo'yicha dunyoning eng yaxshilaridan biri.
Ahmad - uzoq yillardan buyon "CHelsi"ning muxlisi. Avvaliga u sevimli klubining yosh futbolchilari, keyinchalik Jon Terri, Garri Kexill va klubning yana bir necha futbolchilari bilan ishladi. Uni "CHelsi" futbolchilari qattiq hurmat qilishadi. Al-Sanaviga "CHelsi"ning eshiklari har doim ochiq edi, futbolchilar esa uning oldiga borganida katta sovg'alar olib borishadi.
2017 yilning oktyabr oyida "Daily Mail" nashri Ahmad haqida katta maqola chiqardi. Unda faqatgina matn emas, katta fotojamlanma ham bor edi. Al-Sanavi o'rindiqda Fabregas, Mendi, Zuma, Kabay, Kantelar bilan o'tirgani aks etdi.
Uning eng asosiy mijozlari - Eden Azar va Pol Pogba.
"Edenga har doim soch turmagi borasida malumotlar beraman, u esa menga futbol borasida maslahatlar beradi. Bu esa menga ligada o'ynashimga yordam beradi. CHunki u bilan bir hil ampluada o'ynaymiz"
Pogba - yosh yigit: uning o'zi al-Sanaviga g'oyalar taklif etadi. Bu esa keyinchalik Pogbaning boshida aks etadi.
"U bilan ishlayotganimda hech qachon qo'rqmayman, barcha hayolim ish haqida bo'ladi. Keyinchalik uning sochini televizorda ko'rsam: "Vau, uning sochini men shunday qilganman", - deb o'ylayman.
2017 yilning noyabr oyida Ahmad uchun yoqimsiz holat bo'ldi - u o'yin kuni futbolchilarning ishonchini suiistemol qilib, "CHelsi" qarorgohiga borgan va u erda klubning ishchisi kabi bo'lib, futbolchilarning oldiga borgan, rasmga tushgan va shu orqali "CHelsi" stadionidan rasman quvilgan. London klubi rahbariyati uning "Stemford"ga kirishini taqiqlab qo'ygan.
Aslida bu maqola faqatgina Pogba emas, umuman olganda futboldagi sartaroshlik haqida. Balkim Ahmad tufayli, yoki sochini o'zgartiraverishi sababli Pogbaning o'yinlarida pasayish kuzatilayotgandir. Biroq sochni, imijni, tashqi ko'rinishni o'zgartirish futbolchiga hech qachon xalaqit qilmaydi. Biroq Pogba qaysi jamoa libosini kiyib maydonga tushayotganini unutmasligi kerak.
Mirjalol Normatov tarjima qildi
Bosh sahifaga
183