"Neftchi" bilan uchrashuv arafasida "Paxtakor" yarim himoyachisi Tiago Bezerra o'z fikrlari bilan o'rtoqlashdi. Bu haqda klub matbuot xizmati xabar berdi.
- Biz yana bir qiyin o'yin o'tkazishimiz tayin. CHunki "Paxtakor"ga qarshi har bir jamoa futbol o'ynashga imkon bermaslik uchun harakat qilmoqda. Biz bellashuvga imkon qadar munosib tayyorlanishga intilyapmiz. O'tgan yili bu raqibni uyda 6:0 hisobida yutgandik, ammo ayni paytda "Neftchi" tarkibi o'zgargan. Ularda ijobiy o'zgarishlar kuzatildi. SHu sababli uchrashuvni katta etibor bilan o'tkazishimiz lozim. Avvalgi bellashuvda bu jamoaga qarshi ikki gol urganman va ikki marta golli to'p oshirishlarni uddalagandim. Bu safar ham jamoaga foyda keltiradigan o'yin namoyish qilishga urinaman.
"Paxtakor" va "Neftchi" o'rtasidagi to'qnashuvlarning o'ziga xosligini bilib oldim. Bu menga va jamoaga qo'shimcha ishtiyoq bag'ishlaydi. Muxlislarimizga maqul bo'ladigan futbol ko'rsatib, g'alaba qozonishga harakat qilamiz".
Bosh sahifaga
226
