"Yigitlardan minnatdorman. Bu mavsumda chiroyli o'yinlar ko'rsatishmoqda. Stadionga kelgan muxlislar achinishmadi deb o'ylayman. Birinchi taymda yaxshi harakat qildik. Gol o'tkazganimizdan keyin yigitlar shoshishmadi va bu o'z samarasini berdi. Ikkinchi taymda ikki jamoa g'alaba uchun kurashdi. Haqli ravishda g'alaba qozondik deb o'ylayman. Kecha Ravshan Ermatov Jahon chempionatida ishlashi haqida xabar chiqdi. Ushbu hakamimizga jamoa nomidan kelgusi faoliyatida omad tilab qolamiz.
"Buxoro" tarkibida tajribali futbolchilar bor, bizdagi yigitlar ham biroz malakasi kamroq bo'lishi mumkin, ammo yosh emas. Avval ham aytganman, bizdagi futbolchilar qizlar bilan gaplashadi, shunday ekan ularni yosh deb bo'lmaydi.
Terma jamoa bilan uzoq safarga borib keldim. Senegal va Marokash bilan o'rtoqlik uchrashuvlari o'tkazdik. Mana shunday o'yinlar ko'proq bo'lishi kerak. Tarkibdagi barcha o'yinchilarga imkoniyat berildi. SHunday davom ettirilsa Osiyo Kubogiga yaxshi holatda etib boramiz", - deydi Mirjalol Qosimov.
"G'alaba qozondik, kayfiyat zo'r. Murabbiy tanlagan taktikada o'ynayapmiz, natija bo'lmoqda. Har bir o'yindan oldin gol uraman deb maydonga tushayapman, shukurki bunga erishayapman", - deydi Xurshid G'iyosov.
Bosh sahifaga
230
