30. MOYZE KEN
Tug'ilgan yili va joyi: 2000 yil 28 fevral, Italiya
Poziciyasi: Himoyachi
Jamoasi: "Verona" (Italiya)
18 yoshli futbolchi jamoasining asosiy hujumchilaridan biri. U bu mavsumda 19 uchrashuvda maydonga tushdi va 4 gol kiritdi. "Fiorentina"ga qarshi bahsda dubl qayd etdi. U "Verona" hamda "Yuventus"ning birgalikdagi mahsuli. U ikki jamoa tarkibida ham bo'lgan, biroq "byankoneri"lar tarkibida uzoq muntazam o'yin amaliyotiga ega bo'lmagan.
29. TAKEFUSA KUBO
Tug'ilgan yili va joyi: 2001 yil 4 iyun, Yaponiya
Poziciyasi: Yarim himoyachi
Jamoasi: "Tokio" (Yaponiya)
Futbolchi Hindistonda bo'lgan 17 yoshgacha bo'lganlar o'rtasidagi jahon chempionatida qatnashdi va bir gol kiritishga erishdi. U kichik bolakay kabi ko'rinishda, yuzi, tanasi shunday bo'lsa ham, xuddi katta kishilardek o'ynaydi va fikrlaydi. Uning qobiliyati yillar davomida shakllandi, 2011 yilda u "Barselona" bilan shartnoma imzoladi, biroq FIFAning taqiqi tufayli bu shartnoma keyinchalik buzildi. Hozircha u "Tokio"ning 23 yoshgacha bo'lgan jamoasida to'p tepmoqda.
28. ALBAN LYAFON
Tug'ilgan yili va joyi: 1999 yil 23 yanvar, Burkina-Faso
Poziciyasi: Darvozabon
Jamoasi: "Tuluza" (Franciya)
U 16 yoshidayoq "Tuluza"ning asosiy posboniga aylandi. 19 yoshga kiriboq juda katta tajribaga ega. Alban top-5 ligada debyut qilgan eng yosh darvozabon. U 16 yoshu 310 kunligida ilk uchrashuvda maydonga tushgan. Burkina-Faso davlatida tug'ilgan bo'lsa-da, Franciyaning 19 yoshgacha bo'lgan termasi uchrashuvlarida muntazam ravishda darvozani qo'riqlaydi. "Bolakay" bilan "Arsenal" shartnoma imzolash harakatida bo'lib yuribdi.
27. DIEGO LAINES LEYVA
Tug'ilgan yili va joyi: 2000 yil 9 iyun, Meksika
Poziciyasi: Hujumchi
Jamoasi: "Amerika" (Meksika)
Unga "meksikalik Messi" deb laqab qo'yishgan. CHapaqay, yuqori texnika sohibi. 16 yoshga kirganida debyut qilgan. Jamoa bosh murabbiyi Migel Errera uni hali biror marta tanqid qilmadi, faqatgina maqtadi. Lainesning o'yinlarini Evropaning grand klublari skautlari kuzatib borishmoqda. Yaqin yillarda uni ko'hna qitada ko'rib qolsak ajab emas.
26. RAFAEL LEAO
Tug'ilgan yili va joyi: 1999 yil 10 iyun, Portugaliya
Poziciyasi: Hujumchi
Jamoasi: "Sporting" (Portugaliya)
Leao "Sporting"ning asosiy hujumchisi emas. Biroq 18 yoshligida u "Portu"ga qarshi uchrashuvda gol kiritishga erishdi. 19 yoshli futbolchining tovon 45 mln evroga teng. Biroq u yaqin kunlarda jamoa bilan shartnomasini uzaytiradi va uning tovon puli 100 mln evrogacha ko'tariladi.
25. LINKOLN
Tug'ilgan yili va joyi: 2000 yil 16 dekabr, Braziliya
Poziciyasi: Hujumchi
Jamoasi: "Flamengo" (Braziliya)
Linkoln va Vinisius Junior bir jamoada o'ynashadi. U "Flamengo" tarkibida bu mavsumda 6 uchrashuvda maydonga tushdi va 1 gol kiritdi. Sifatli o'ynaydi, to'pni kam yo'qotadi. SHu boisdan uni Evropaning bir necha grand jamoalari sotib olishni rejalashtirishmoqda.
24. MIZYAN MAOLIDA
Tug'ilgan yili va joyi: 1999 yil 14 fevral, Franciya
Poziciyasi: Hujumchi
Jamoasi: "Lion" (Franciya)
Aleksandr Lyakazet jamoadan ketayotganida aynan Mizyanni o'rinbosar qilib qoldirgandi. 19 yoshli futbolchida yuqori iqtidor bor, "Lion"da muntazam o'yin amaliyotiga ega. O'yinlari Bruno Jeneziuga maqul kelmoqda. U bu mavsumda 12 uchrashuvda qatnashdi va "Nicca" darvozasiga gol kiritdi.
23. GONSALO MARONI
Tug'ilgan yili va joyi: 1999 yil 18 mart, Argentina
Poziciyasi: Yarim himoyachi
Jamoasi: "Boka Xuniors" (Argentina)
19 yoshli futbolchi Paulo Dibala kabi o'yin ko'rsatadi va bemalol Evropada o'ynay olishi mumkin. U zamonaviy futbolning klassik yarim himoyachisi sifatida etirof etilmoqda. Gonsalo 2016 yilda "Boka" bilan shartnoma imzoladi. Oldinroq uning o'yinlarini "Inter" va "Milan" skautlari kuzatib borayotgani borasida malumotlar berilgandi.
22. JORDI MBULA
Tug'ilgan yili va joyi: 1999 yil 16 mart, Ispaniya
Poziciyasi: Hujumchi
Jamoasi: "Monako" (Franciya)
U "Barselona" akademiyasi tarbiyalanuvchisi. Iqtidorlarni tayyorlab beradigan "Monako" uni 3 mln evroga sotib olgan va undan top-futbolchi tayyorlashga intilmoqda. Mbula 2016/17 yilgi yoshlar o'rtasidagi Evropa chempionlar ligasida to'purarga aylandi. Effektiv o'yin ko'rsatadi. Biroq u Jardimning "Monako"siga hozircha kerak bo'lmayapti. Balkim uning ham vaqti kelib qolar.
21. MEYSON MAUNT
Tug'ilgan yili va joyi: 1999 yil 10 yanvar, Angliya
Poziciyasi: Yarim himoyachi
Jamoasi: "Vitess" (Gollandiya)
"CHelsi"ning yoshlar tarkibida o'zini ko'rsatgan futbolchi asosiy tarkibda o'ynay olmadi. SHu boisdan u Gollandiyaning "Vitess" jamoasiga ijaraga berib yuborildi. U bu mavsum Erediviziyada 23 uchrashuvda maydonga tushib, 7 gol urdi. Angliyaning 19 yoshgacha bo'lgan terma jamoasida doimiy ravishda o'yinlarda qatnashadi. U juda aqlli o'yin namoyish etadi, to'p oshirishlari ham anchagina sifatli. SHu boisdan u Gollandiyada yaxshi o'yin namoyish etmoqda.
(Davomi bor)
Dunyoning eng kuchli yosh futbolchilari TOP-50 (50-41-o'rinlar)
Dunyoning eng kuchli yosh futbolchilari TOP-50 (40-31-o'rinlar)
Mirjalol Normatov tarjima qildi
Bosh sahifaga
199