. Ushbu uchrashuvdan so'ng, ikkala jamoa futbolchilari o'z fikrlarini bildirib o'tishdi.
“Buxoro” futbolchisi Artyom Filiposyan
“Birinchi navbatda “Bunyodkor” jamoasini g'alaba bilan tabriklayman. O'yindagi hisobni biz ochdik, “Bunyodkor” darvozamizga 3ta to'p kiritib g'alabani ilib ketdi. Himoyada yo'l qo'ygan xatolarimiz tufayli mag'lubiyatga uchradik, deyb o'ylayman. Bizda gol urish uchun bir qator imkoniyatlar bo'ldi, afsuski ulardan foydalana ololmadik. Bu futbol, mag'lubiyat bo'lib turadi. Endi keyingi o'yinga tayyorgarlik ko'rishimiz kerak. Biz g'alaba qozonishimiz kerak edi. “Buxoro” jamoasi safarda “Bunyodkor”ni mag'lub etmagan edi. Birinchi bo'limning so'ngi daqiqalarida o'z darvozamizdan to'p olib chiqdik. Ikkinchi bo'limda yo'l qo'yilgan xatolar bizga qimmatga tushdi. To'g'risini aytsam, ushbu o'yinda bizga omad etishmadi. Jarima zarbasidan oshirib berilgan to'pga Bobir Omonov boshi bilan zarba berdi, afsuski to'p darvozaga kirishni istamadi. SHundan so'ng, qarshi hujumda o'z darvozamizdan to'p olib chiqdik. O'yin yaxshi bo'ldi, shunchaki omadimiz kelmadi”, - deydi Artyom Filiposyan
“Buxoro” futbolchisi Baxodir Nasimov
“Bunyodkor” bilan bo'lgan o'yindagi mag'lubiyatga o'zimiz sababchi bo'ldik. O'zimizning xatolarimiz tufayli “Bunyodkor” g'alabani qo'lga kiritdi. O'zimiz yaratgan imkoniyatlarimizni golga aylantira olmadik. Sobiq jamoamga qarshi o'yin mien uchun qiyin bo'lmadi. superliga jamoalarining barchasi deyarli bir xil. Bizni maqsadimiz, faqat g'alaba qozonish edi. Futbolda yozilmagan qoydi bor. Sen urmasang senga urishadi”, - deydi Baxodir Nasimov.
“Bunyodkor” futbolchisi Filip Rayevac
“Buxoro” bilan bo'lgan uchrashuv qiyin bo'ldi. Asosiysi biz g'alaba qozondik. Biz jiddiy jamoa ekanligimizni namoyish eta oldik. Jamoaning ichki muhiti alo darajada. “Bunyodkor” jamoasi safida dastlabki golimni urdim. Bundan xursandman. Bizni qo'llab-quvvatlab turgan muxlislarimizga rahmat aytaman”, - deydi Filip Rayevac
Akrom Komilov
“Buxoro”ga qarshi uchrashuvda biz ko'proq hujumni amalga oshirdik. Lekin ularga qarshi qiyin uchrashuvni o'tkazdik. Darvozamizga gol bo'lgan vaziyatda bitta futbolchini ayblay olmayman. O'z darvozamizdan gol o'tkazib yubordikmi, demak bunda barchani aybi bor. Himoyadan tezda qarshi hujumga o'tish bizning eng kuchli tarafimiz. Himoyada to'pni ko'proq ushlab turamiz va shoshilmasdan hujumga o'tamiz”, - deydi Akrom Komilov.
Jahongir Sotvoldiev yozib oldi
Bosh sahifaga
222