Muxtor Qurbonov: "SHo'rtan" futbolchilariga avgust oyidan buyon maosh berilgani yo'q"
/ Kiritdi: BestMaster O'qilgan: 1287
G'uzorning "SHo'rtan" klubi bosh murabbiyi Muxtor qurbonov "Futbol Ekspress" gazetasiga yangi mavsum oldidan jamoadagi muammolar haqida gapirib o'tdi.
"Hozircha "SHo'rtan"dan ketganim yo'q. Lekin jamoada qilinishi kerak bo'lgan masalalar bor. Avgust oyidan buyon futbolchilarga ish haqlari berilgani yo'q. SHu bois yangi yilga qadar o'tkazishimiz kerak bo'lgan dastlabki yig'inni o'tkaza olarmikinmiz deb o'ylanib turibman. Yangi futbolchilarni taklif qilish borasida ham ikkilanib turibman. SHu kunlarda rahbariyat bilan uchrashaman. Umid qilamanki, vaziyat ijobiy tomonga o'zgaradi. Tezroq yig'inni boshlashimiz kerak. Yangi qaytaraman: hozircha klubdan ketganim yo'q", - deydi Muxtor Qurbonov.
Eslatib o'tamiz, "SHo'rtan" klubi 2015 yilgi mavsumda O'zbekiston chempionatini 11-o'rinda tugatdi.
Bosh sahifaga
2127