Farg'ona viloyat hokimligi va viloyat futbol associaciyasi tomonidan tashkil etilgan bu yilgi “Navro'z Kubogi-2018” musobaqasida 12 ta jamoa ikki guruhga bo'lingan holda bosh sovrin uchun kurash olib bordi. O'z guruhidagi birinchi va ikkinchi o'rinni olgan jamoalar final bosqichida ishtirok etishdi.
O'yinlar Farg'ona shahridagi futbol akademiyasi stadioni hamda Beshariq tumanidagi “Markaziy” o'yingohda o'tkazildi. “A” guruhida “Neftchi” (U-18) birinchi o'rinni qo'lga kiritgan bo'lsa, “Cementchi-2” jamoasi marraga ikkinchi bo'lib etib keldi.
“V” guruhidagi o'yinlar ham qiziqarli tarzda kechib yakunda O'zbekiston tumanining “Turon-1” va Beshariqning “Beshariq” jamoalari yarim finalga yo'llanma olishdi.
Yarim final bahslarining birinchisida “Neftchi” (U-18) – “Beshariq” jamoalari maydonga tushishdi. Keskin kurashlar ostida o'tgan uchrashuvning asosiy vaqtida 2:2 hisobi qayd etildi. Penaltilar seriyasida esa omad beshariqliklarga kulib boqdi - 5:4.
“Turon-1” – “Cementchi-2” jamoalari o'rtasidagi ikkinchi yarim final uchrashuvi ham shiddatli tarzda o'tib, tajribali murabbiy Bahrom Hakimov shogirdlarining 3:2 hisobidagi g'alabasi bilan yakun topdi.
SHunday qilib, hal qiluvchi bahsda “Beshariq” va “Turon-1” jamoalari ro'baro' kelishdi. O'yin finalga xos jangovor ruhda o'tib, asosiy vaqt 1:1 hisobida yakunlandi. Birinchi bo'limda “Turon-1” vakili Azamjon Saminjonov hisobni ochgan bo'lsa, ikkinchi bo'limda beshariqliklar vakili Tohir G'iyosov hisobni tenglashtirdi.
Asosiy vaqtda g'olib nomi aniqlanmagach, navbat penaltilar seriyasiga keldi. Futbol lotoreyasida esa omad Bahrom Hakimov boshchiligidagi “Turon” jamoasiga kulib boqdi.
Penaltilar seriyasida 4:2 hisobi qayd etildi. So'nggi penaltini taniqli hujumchi Otabek Isroilov aniq yo'llab, yaypanliklarga bosh sovrinni taqdim etdi.
Uchrashuv yakuniga etgach, har ikki jamoaga Farg'ona futbol associaciyasining diplomi topshirildi. “Turon” jamoasiga “Navro'z Kubogi” topshirildi.
Musobaqada ishtirok etgan jamoalar:
“Neftchi” (U-18) (Farg'ona)
“FarDU” (Farg'ona)
“Cementchi-2” (Quvasoy sh.)
“Neftchi” SK (Farg'ona)
“BO'SM-1” (Marg'ilon)
“Toshloq” (Toshloq)
“Kimyogar” (Qo'qon sh.)
“Zafar” (Uchko'prik t)
“Turon-2” (O'zbekiston t.)
“Turon-1” (O'zbekiston t.)
“Beshariq” (Beshariq t.)
“So'x” (So'x t.)
Abror DEHQONOV
Bosh sahifaga
217
